الدنيا لليل والظلام دامس ما أشوف أي شي دخلت بأحد الأفرع سمعت صوت خطوات وراي عرفته هوّ ركضت سريع ولكنَ!! هو أسرع مني ولزمني مَكدرت أشوف شكله عدل بسبب الظلام ، هَمس قريب على اذني وهو يحاول يهدء نفسه لكن الغضب واضح عليّ - تحاولين تهربين مني وأنـا الريس؟؟ - عوفني شنو تريد مني هاا؟؟ -أمشي وياي بدون حجي زايد والله طلقة وحدة عليچ وعلى حبيب گلبچ - عادي مَيهمني أنتَ بعدتني عن أكثر شخص أحبه تتوقع يهمني أذا تقتلني؟؟ - أممم بعدچ تحبي؟؟ - للموتت راح أبقى أحبه فهمتت - أممم أوكِ؟؟ - گول الحقيقة أنتَ السبب بالحادث ؟؟ - يعني أنتِ رايحة ألـه؟؟ - أنـاا أكرهك ، بعمري ماكرهت شخص مثل ماكرهتك ، الله ياخذك ويخلصني منك . باوعلي بنظرة عجزت افهمها - عادي كرهيني - وهسة جاوبني أنتَ السبب بالحادث؟؟ - أنتِ الجاوبي رايحة أله؟؟ تجاهلت سؤالـة وصرخت بغضب - جاوبنيي . بدون ما يجاوب سحبني للسيارة سريع وصعدني وأني أرجف خايفة يكون هو السبب بالحادث!!