طلعت صحت للطلاب دخلوا للصف واني اخر وحدة دخلت گال الاستاذ - ليش تأخرتي - متأخرت استاذ بس دخلوا قبلي - تمام دخلي :دخلت واني ساكتة گلت بگلبي عساس رح انتظرك تگلي ادخل لو لا بدا يعرف عن نفسة - اني الاستاذ فهد رح ادرسكم بـ مادة الرياضيات وكل اللي اريدة منكم تچتهدون بدراستكم وتحضرون للمادة ومن اشرح الكل ينتبه ما اريد اي طالبة بالها مو يم الشرح واهم شي من ترجعون للبيت تحطن ورقة وقلم وتقرن المادة ، مفهوم؟ اني وزينب: مفهوم استاذ حسيت روحي تفشلت بس اني وزينب حچينا البنات ساكتات بس اني وزينب حچينة البنات صافنات مدري شبيهن الاستاذ فهد: جاي احچي وياچن شبيچن اخذتچن الصفنة؟؟ البنات: وياك وياك استاذ الاستاذ فهد: اي واضح وياي هدى: انتبهت على زينب كل ما تريد تحچي يدور وجهه الاستاذ علينه ومتحچي اخر شي همست زينب: هدى هوَ هذا اخوي هدى: ها زينب رادت تحچي انتبه الها