MY GIRL SUNDAY by Rose Tan Published by Precious Pages Corporation "Don't fall in love with me, dear maid, and that's an order." ©️Rose Tan and Precious Pages Corporation

What if si Maty Go ang maging suspek sa serial killings ng mga writers dahil nagkakatotoo ang mga isinusulat niya?

Ling was very fond of her nieces. Kaya nang humingi ang mga ito sa kanya ng tulong na ihanap sila ng bagong mommy ay hindi siya nakatanggi. Ngunit hindi nagustuhan ni Rob, ang masungit niyang bayaw, ang paraang naisip niya kaya imbes na matuwa ay lalo pa itong nainis sa kanya At bakit hindi ito mainis? His face landed in one of the pages of a leading magazine as its "man of the month". Pinutakti tuloy ito ng mga women admirers. "You're supposed to be an adult, pero masahol ka pa sa bata! Sino'ng may sabi sa iyong pakialaman mo ang personal kong buhay!" galit nitong sabi sa kanya. Matapos ang insidenteng iyon, ipinangako ni Ling na hindi na muli siya makikialam sa buhay ng lalaki. Ngunit kung kailan wala na siya sa buhay nito ay saka naman siya nakatanggap ng marriage proposal mula rito. Na tinanggap naman niya!

Probinsyanang masahista si Adriana. Mukhang walang alam sa mundo. Pero mayroon siyang abilidad, dahilan para tanggapin niya ang mungkahing isa niyang customer. Kakaibang trabaho ngunit masisigurado ang kinabukasan niya kung magagawa niya. Kailangang akitin niya si Tristan, dapat gawing lalaki ito dahil may puso itong babae. Ngunit paano niya aakitin ito gayong napakailap nito? Ni hindi niya ito mahawakan! Isa pa, nakokonsiyensiya na siya dahil napakabait naman nito sa kanya. He changed her life and she was more than grateful. Subalit kailangan niyang maisagawa ang misyon, dahil nahuhulog na ang loob niya rito. Dapat na talaga niyang gawing tunay na lalaki ito para hindi naman siya kilabutan kapag iniilusyon niya ito... Pero paano na ngayong natuklasan niyang lalaking-lalaki pala si Tristan?

The trouble with some women is that they get all excited over nothing ¡yon ang paniniwala ni Mary Concepcion na lalo pang tumibay nang mabigo sa kaisa-isang lalaking minahal. Mula noon ay itinakwil na niya ang salitang "kasal." Kaya hindi niya malaman kung paano tatanggapin ang balitang magpapakasal na ang best friend niya. At ang best man ay walang iba kung hindi ang lalaking dumurog sa puso niya, si Adam Burgos. Hindi niya kayang pigilan ang muli nilang pagtatagpo, ngunit desidido siyang pigilin ang. damdaming si Adam pa rin ang isinisigaw. Ngunit mapipigilan ba niyang mahalin ang lalaking unang gabi pa lamang nila sa iisang bubong ay gumapang na sa ilalim ng kumot niya?

Alam ni Rima sa sarili na hindi lang siya pang-promo girl sa supermarket na nagpapa-sample ng iba't ibang produkto. She had proven herself right nang matanggap siyang account executive sa isang kompanya. From selling instant noodles, she would now be selling toilet bowls. Well, not bad dahil galing naman iyon ng Italy. Pero mainit ang dugo ng boss ni Rima sa kanya. Wala nang alam gawin si Andy-her boss-kundi awayin siya. In one of their fights, she bit his finger-hard. She was fired. Sa awa ng bratitat na anak ni Andy, kinuha siya nitong yaya. From promo girl, yaya ang kinabagsakan ni Rima. Siya na yata ang halimbawa ng naghanap ng kagitna, isang salop ang nawala. Kaya? Eh, fifteen thousand pesos naman daw ang suweldo plus allowance. Meron pang isang benefit na hindi niya alam. Si Rima pala ang napili ng anak ni Andy na maging new mommy nito. That was some benefit that was hard to resist.

Wala kang inasam sa buhay kung hindi ang MAGHIGANTI sa mga taong nakasakit sa 'yo...at nang dumating ang sandali ng iyong PAGHIHIGANTI.... wala na. Naka-move on na silang lahat. Ikaw na lang ang hindi.

Pinalayas ng kanyang ama si Georgina Yulo kaya naisipan niyang humingi ng tulong kay Pio Andong. Napadpad siya sa Bud Brothers Farm. Doon ay ibinigay sa kanya ni Pio ang lahat ng kailangan niya. But there was a catch: Sa ayaw niya at sa gusto, araw-araw niyang makakasalamuha si Vicente Banaag, ang lalaking kinaiinisan niya nang labis-labis. Bakit hindi? Noon ay walang awa nitong dinurog ang inosente niyang puso. Ngunit wala naman pala siyang dapat ipag-alala. Gagawin din ni Vicente ang lahat para iwasan siya. Hindi rin nito gustong makita siya araw-araw. Ang hindi nila alam, may niluluto ang Bud Brothers...

May misyon sa Bud Brothers Farm si Betsy: Susubaybayan at aalamin ang lahat-lahat tungkol kay Wayne Alban, ang misteryosong boyfriend ng kanyang amo. Unang araw pa lang niya roon ay pumalpak na siya nang madaganan at masira niya ang precious hibiscus hybrid ng lalaki. Nangangatal man ang lahat-lahat sa kanya ay umamin siya rito ng kasalanan. "Kahit ano ho ang iparusa n'yo sa akin, tatanggapin ko, mapatawad n'yo lang ako," sabi niya sa dark and utterly mysterious na si Wayne. "Okay. Be my wife," sabi nito. Gilalas siya. Parusa ang hinihingi niya, hindi biyaya!

Ang gusto lang ni Coco Artiaga ay ang mamuhay nang tahimik at nag-iisa. Ang mapagbintangang aswang ang huling bagay na gusto niyang mangyari sa kanya, pero iyon nga ang nangyari. Sinugod ng taong-bayan ang lumang bahay na tinitirhan niya at balak pa yata siyang sunugin ng mga ito nang buhay dahil nga naniniwala ang mga ito na isa siyang aswang. Enter Carlo, her Lilliputian knight. Buong gilas siya nitong ipinagtanggol sa mga nang-aakusa sa kanya. "Mga katoto, aswang man po ay may karapatan sa due process, ayon sa Saligang Batas ng bansang Pilipinas!" buong giting na wika nito. Itinalaga pa nito ang sarili na maging tagabantay niya. Kapag daw nahati ang katawan niya, ito na ang bahala sa maiiwan niyang kalahati. Mahilig daw ito sa magagandang legs.