Isang taon matapos makaligtas ang ilang estudyante sa tiyak na kamatayan, isa na namang panibagong kaso ang maglalagay sa buhay nila sa alanganin. Ano nga ba ang kinalaman ng pakikipagchat sa internet sa mga kasong dapat nilang lutasin? May magpapaalam na nga ba sa grupo dahil sa kakaibang kaso nito? Isa lang ang maipapayo ng lahat sa bawat isa: BE CAREFUL WHO YOU CHAT!!!

Sino ang magwawagi sa huling paghaharap ng dalawang magkaibang pwersa? Ano ang kaugnayan ng tatlong huling clues na madedeskubre ng Crimes and Mysteries Group sa nakatadhanang mangyari sa kanila? Sa huling aklat ng Crimes and Mysteries series ay masasagot na ang lahat ng mga katanungang hindi nabigyang-linaw sa naunang apat na serye. Ano nga ba ang pinag-ugatan ng lahat, at paano ito magtatapos?

Isang estudyante ang nakapagtatakang nakasagot ng mahihirap na multiplication questions sa loob lamang ng ilang segundo. Ano nga ba ang kaugnayan ng mga multiplication questions sa pagkamatay ng ilang estudyante? Ma-solve kaya ito ng CMG sa pangunguna ni Lou? Ano ang misteryo ng pagkatao ni Mondael? Ito na nga ba ang simula ng labanan ng dalawang magkaibang pwersa?

Isang kakatwang pangyayari sa isang Emergency Room ilang taon na ang nakalilipas ang paulit-ulit na napapanaginipan ni Carla. Bilang isang clue seer, alam niyang isa na naman itong clue sa isang panibagong krimen at nakahanda siyang lutasin kung anuman ang krimeng ito sa tulong ng kanyang mga kaibigang sina Lou, Fille at Erno.Ang nakapagtataka ay hindi lamang si Carla ang nananaginip nito kundi maging ang isang estudyante sa ibang unibersidad na nagngangalang Jessy.Nagtagpo ang landas nina Carla at Jessy sa isang prestihiyosong paaralan, ang School of Excellence, na itinatag upang hamunin ang angking talino ng pinakamagagaling na estudyante sa buong bansa. Ngunit talino nga kaya ang batayan para maimbitahan sa paaralang ito? Ano ang kinalaman ng pangyayari sa isang Emergency Room sa magiging kapalaran ng mga piling mag-aaral na nakapasok sa School of Excellence?