Isang buwan pagkatapos isiwalat ng "lagalag na pulis" ang mga dokumento (notebook) tungkol sa isang baryo na kung tawagin ay Kalamyan at ang mga kahindik-hindik na bagay na nangyari dito sa internet, muling sumambulat sa madla ang isa pang notebook tungkol sa Kalamyan at sa mga tao dito na siyang magbibigay ng kasagutan at konklusyon sa sinapit nila.

Isang lumang notebook ang natagpuan sa isang bahay sa baryo Kalamyan. Sa mga pahina nito nakatala ang mga kahindik-hindik na bagay na nangyari sa baryo sa loob ng walong araw.