رواية من طراز مغايـر، خطأ طبي غير مقصود يغير حياة الجميع.. زواج تحت التهديد، مشاعر وتصرفات متناقضة، لتنشئ قصة حب مختلفة من بين نيران الانتقام.. فهل سينتصر الحب ام ان للانتقام رأي اخر؟ بقلمي انا : نورمين

هل كان الذي رأيته بحراً أم مجرد صحراء زرقاء

نزلت من السيِارة وعيوني مليِانَ دموع أخيراً راح ألتقي ويا أهلي أخيراً راح أرجع لحضن أمي وروحي من الدنيا تقربت للباب وأيدي ترچف أسمع صوت أطفال تصرخ بالبيت معقولة حسام تزوج وجاب أطفال لا يمكن ريام اخيراً حبلت بعد معاناة ابتسمت أكثر والسعادة انرسمت على وجهي دگيت الباب اخيراً بعد طول تفكير وخوف وتوتر أسمع صوت ورايه : داليا شبيج تريدين نمشي نفيت وانتظرت أحد يفتح الباب سمعت صوت بنت : منوو فز گلبي بسعادة هاي ريام اختي حبيبتي : اني داليا اختج انفتح الباب وبينت الصدمة على ملامح وجهها : داليا هاي انتِ؟ هزيت راسي بقوة ركضت اريد احضنها لكن فاجئتني براشدي خلاني اوگع بالأرض طگ خشمي دم وماجنت مستوعبة شنو شصار وليش تضربني حتى انفجرت بالصراخ والغلط والسب بيه