Si Ram dela Francia ang kahuli-hulihang lalaking inaakala ni Hana na magiging asawa niya. Pero nangyari na lang iyon. Isang araw ay bigla na lamang siya nitong inayang magpakasal. She said yes because of two reasons. Una, para sa kaligtasan ng tatay niya. At pangalawa, dahil itanggi man niya, alam niyang naroon pa rin ang pag-ibig niya para sa binata. Pag-ibig na umusbong noong high school pa lamang sila kahit na wala na itong ginawa kundi ang bwisitin siya. Eh, ganoon nga yata ang pag-ibig. Bulag. Tanga. Pero katuparan na nga ba ng matagal na niyang pinapangarap na love story ang pagpapakasal niyang iyon dito? O part two lamang ng bangungot kasama ang lalaking walang ka-amor-amor sa kanya? At bakit pa ba nito binili ang pag-ibig niya gayong mukhang wala naman itong balak na ibigin din siya?

Nakilala ni Aliyah si Dane nang matanggap siya bilang doctor sa isang private hospital sa bayan ng Kitcharao. Unang kita pa lang niya rito ay naattract na siya. Pero pinigilan niya ang sarili niya na mahumaling dito lalo nang malaman niya ang record ng pagiging playboy nito. Parang laruan lang ang tingin nito sa mga babae. Dahil sa hindi niya maiwasan ito sa trabaho ay lagi niyang binabara at pinagsusungitan. Hanggang sa dumating ang araw na dinukot siya ng mga rebelde. Nagulat na lang siya nang makita niya ito sa kampo ng mga rebelde matapos ang ilang araw para iligtas daw siya nito at handa daw itong isugal ang buhay makita lang siya nitong ligtas. Seryoso kaya ito o isa lamang itong laro upang maging bahagi siya ng listahan sa mga babae nito? Pero pareho silang nagimbal sa isang rebelasyon na pareho nilang natagpuan doon...