She was running for her life. Sa nakalipas na anim na taon ay inakala niyang ligtas na siya. Subalit sa kaunting minutong nasilayan ang mukha niya sa telebisyon ay nagsimula na ang maraming panganib sa buhay niya. She staged her death. Hanggang sa matagpuan siya ni Jose Luis. Big, tall, and lethal. Hindi lang iyon, the man was sexy as hell. Iniligtas siya nito sa isang tiyak na kamatayan. Subalit tinakasan na niya ang lalaking ito anim na taon na ang nakararaan. Kasama ba ito sa mga nagtatangka sa kanya? Gayunman, may palagay si Cheyenne na mas nanganganib ang puso niya rito kaysa sa buhay niya.

Gustong makilala nang lubusan ni Meredith si Andrea Monte, ang babaeng buong buhay niya ay pinagseselosan ng kanyang inang si Agatha. Tinanggap niya ang paanyaya ni Andrea na magbakasyon sa Rancho Monte. She had never known paradise until she saw the mountains, forests, and seas of Rancho Monte. It was an island in the sun. Ang mansiyon ay nasa ituktok ng isang burol at nakatanaw sa karagatan at mga isla. And she had never known love until she met Tristan Falco, the handsome ranch help who was as rugged and mysterious as the virgin forest that he so much loved and as untamed and wild as the strong winds of Monte mountains. Subalit kinasusuklaman ni Tristan ang mayayaman at taga-Maynilang tulad niya. Could she tame the winds and smooth the waters? ©Martha Cecilia

Nagkamalay si Genevie sa isang ospital, without any memory. Pagkatapos ng reconstructive surgery, natambad sa kanya ang pinakamagandang mukhang papangarapin ng sino man. She was Jillian Nuevo, stepdaughter of a multimillionaire, who was missing. She had an ex-husband, the gorgeous Tennessee Hernandez, an ex-SEAL, at may dalawang anak sila. She had a perfect family if only she could remember any of them and if she survived the attempts to kill her. At kaya ba siyang protektahan ni Tennessee gayong ayon dito ay isa siyang masamang asawa at walang-kuwentang ina? ©Martha Cecilia

Pagkatapos barilin si Leon ng kinikilalang ama ay walang malay siyang inanod ng ilog patungo sa dagat hanggang sa mapadpad sa isang isla. A young and beautiful woman nursed him back to life. Ni hindi nito pinagmithian ang kayamanang dala niya. Unti unti ay nahuhulog ang loob niya kay Esmeralda, Nais niya itong makita suot ang mamahalin at magagandang baro at saya. Nais niyang isuot dito ang kuwintas na emeralds ng kanyang mama. Lahat ng iyon ay pinagtakhan niya dahil hanggang sa mga sandaling iyon ay sariwa pa rin ang sugat na dulot ng paghihiwalay nila ni Isabelita. At paano ang panganib na nakaamba sa kanya mula sa ama-amahang si Don Genaro? _____________________________________________ © Martha Cecilia

Nagkamalay si Alaina sa isang ospital sa isang probinsiya na puno ng sugat ang katawan. She had no memory of her past. She was six weeks pregnant. Ayon sa lahat ay isa siya sa dalawang taong nakaligtas sa isang banggaan ng bus at pickup truck na nahulog sa bangin. She was told days later that she was Mrs. Emmy Javier, ang asawa ng isa pang nakaligtas sa aksidente. Subalit paanong hindi niya maramdaman na asawa nga niya si Philip Javier? Totoong wala siyang maalala sa nakaraan niya, pero hindi ba at hindi naman nakalilimot ang puso? Bakit sa kaibuturan ng puso niya ay naroon ang pananabik sa ibang lalaki? Lalaking sa palagay niya ay kabahagi ng pagkatao niya?