bölümlər editlənib yenidən yazılır

Önsöz Bu kitab bir uşağın danışa bilmədiyi sətirlərdən ibarətdir. Heç kimə demədiklərim, deyə bilmədiklərim və deməyə icazə verilməyənlərdir buradakı sözlər. Mən danışanda susduranlar çox oldu. Mən baxanda gözümü qaçıranlar, məni görməməyə çalışanlar... Bəlkə də buna görə bu kitabın adı "Heç kimin görmədiyi" oldu. Ətrafımda hər şey normal görünürdü. Mən isə içimdə dağ boyda qırıntılarla gülümsəyirdim. Uşaq idim, amma uşaqlığın nə demək olduğunu bilmədən böyüdüm. Bu kitab - məni eşitməyənlərə deyil, öz içində eyni səsi daşıyanlara yazılıb. Əgər sən də heç kimə danışmadığın, içində gizlətdiyin yaralarla böyümüsənsə, bil: tək deyilsən. Bu sətirlər bəlkə də sənin də səsindir. Çünki bəzən görünməz olanlar, ən çox danışmağa ehtiyacı olanlardır. İndi isə danışmaq mənim sıramdır... ~ Müəllif