Sa gitna ng digmaan noong dekada '40 sa Kabankalan, isang pangakong binitawan-bubuuin muli ang pag-ibig kahit matapos ang buhay. Si Amador Cipriano, isang sundalong lumalaban para sa bayan, at si Eufemia Ortiz, dalagang pinili ang manahimik sa gitna ng kaguluhan, ay pinagtagpo ng panahon at pinaghiwalay ng trahedya. Sa huling halik at panata, sila'y nangakong muling magkikita... kahit sa ibang buhay. Makalipas ang ilang dekada, sa abalang lungsod ng Maynila, muling nagtama ang landas nina Ynez Casiño, isang nursing student na binabagabag ng mga panaginip na hindi kanya, at ni Atty. Santino Najera, isang abogadong tila may pamilyar na lungkot sa mga mata. Habang dumarami ang pagkakataong tila itinakda ng tadhana, mabubuksan ang mga alaala ng isang buhay na matagal nang lumipas. At sa bawat pagkikita, mas lalalim ang tanong: Paano kung ang puso'y hindi kailanman nakalimot, kahit ang isipan ay wala nang maalala? "Two lives. One promise. Endless longing."