ضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عمل كده ليه لقيت اختي بتهديني و تقولي معلش ضغط اليوم كان بيبصلي بعصبية و لو كان اخوه مش ماسكه في الوقت ده كان زمانه نازل فيا ضرب محستش بنفسي غير وانا بزق اختي و ببعد عنها ... كان الكل قاعد قومت اجري اجري اجري بعيد اوي ماما و الكل بيجري ورايا دلوقتي اللوم بقى عليا سامعه ناس كتير بتقول كلام بايخ مكنش ينفع اقعد بعد اللي حصل ده ضربني بالقلم و لسه حتي مكتبناش الكتاب