Synopsis: Kinilala na ang ikalabintatlong emperador, at iyon ay walang iba kung hindi si Finn. Siya ang pinili ng kalangitan na magtaglay ng espesyal na kapangyarihan at titulo dahil napagtagumpayan niya ang huling hamon ng Land of Origins na talunin ang Evil Jinn. At sa kaniyang pagdating sa divine realm, samu't saring pagsubok kaagad ang kaniyang kahaharapin upang maprotektahan ang kaniyang mga kasama, kayamanan, at titulo. Bagong mga kalaban ang kaniyang makakaharap, at bagong mga kakampi ang kaniyang makakasama sa pagsasakatuparan niya sa kaniyang mga layunin. Sa pamamagitan ng espesyal na kapangyarihang kaniyang natanggap, maghahatid siya ng malaking pagbabago sa divine realm. Ipapakita niya na hindi siya dapat kalabanin, at ipapaalam niya kung bakit siya ang pinili ng kalangitan bilang magiging pinakamakapangyarihang nilalang sa hinaharap. -- Date Started - July 1, 2024 (Wattpad) Date Ended - ??

Synopsis: Ang mga pangyayari sa Land of Origins ay nagsisimula nang maging kapana-panabik. Naglilitawan na ang mga naiwang kayamanan at pamana ng mga totoong diyos, at sa mas pinaigting na kompetisyon sa pagitan ng mga tagalabas, nagbabadya ang isang malaking delubyo. Kaniya-kaniya nang pagpapalakas ang bawat naghahangad ng kapangyarihan at katanyagan. Si Brien Latter na hanggang ngayon ay may misteryosong katauhan ay mayroong binabalak para si Finn ay wakasan. Palaki na nang palaki at palakas na nang palakas ang hukbong pinamumunuan nina Ashe at Tiffanya. Habang si Finn, sinisimulan niya na ang pagpapaunlad sa kaniyang sarili at sa New Order para paghandaan ang nalalapit na9 digmaan. Sa huli kung saan isa lang ang maaaring hiranging karapat-dapat, sino kina Finn, Brien, Ashe, at Tiffanya ang magwawagi? Isa ba sa kanilang apat...o mayroon pang ibang karapat-dapat? -- Date Started(Wattpad): December 10, 2023 Date Ended(Wattpad): June 7, 2024

Armado ng mahahalagang impormasyon at bagay na makatutulong sa kanilang paglalakbay, ipinagpapatuloy ni Finn at ng buong New Order ang kanilang pakikipagsapalaran sa mundo ng pinagmulan. Dahil sa mga napagtagumpayan ni Finn, tatlo sa kilalang puwersa sa Land of Origins ay kaniya nang kaibigan. Mayroon silang kalamangan na wala ang ibang tagalabas; mayroon na silang pagkakaintindi sa kung ano man ang mayroon sa mundong kanilang ginagalawan. Ganoon man, marami pang hiwaga ang hindi pa nila natutuklasan-at isa na sa mga iyon ang mga naiwan ng mga diyos sa Land of Origins na ngayon ay isa-isang tutuklasin ni Finn at New Order. -- Date started: August 1, 2023 (Wattpad) Date ended: November 8, 2023 (Wattpad) --

Synopsis Sa pagpapakita ng Land of Origins o ang tinatawag ding mundo ng pinagmulan ng lahat bagay, si Finn at ang New Order ay naghahanda na para sa isang mapanganib na pakikipagsapalaran sa mundong ito. Tutuklasin nila ang misteryong bumabalot lupaing ito, at gagamitin nilang magandang oportunidad ang paglalakbay rito upang ipakilala ang New Order sa sanlibutan. Iba't ibang puwersa mula sa iba't ibang upper realm ang kanilang makakasalamuha. Nakatakda na silang magkaroon ng mga kakampi at kaaway, at handa silang gawin ang lahat upang mapili sila ng Land of Origins bilang magiging pinakamalakas na adventurer sa hinaharap. -- Started on wattpad February 1, 2023 - ??

Synopsis Dahil sa kagustuhang makasama ang kanyang tiyuhin at kapatid, tinanggap ni Finn ang misyon ni Auberon para sa pitong pangunahing miyembro ng Order of the Holy Light na magtungo sa Holy Land of Erekia para imbestigan ang hindi pagpaparamdam ng grupo ni Oriyel. Hindi nila alam kung ano ang naghihintay sa kanila sa lugar na iyon, pero buong tapang nilang tinanggap ang misyon dahil sa kanilang responsibilidad na protektahan ang nasasakupan ng Order of the Holy Light. Magagawa ba nila ang kanilang misyon sa kabila ng pagkakaroon ng limitadong impormasyon? O mapapagaya sila sa grupo ni Oriyel na hindi na nakapagparamdan dahil sa isang trahedya? --

Synopsis Pagkatapos ng malaking rebelasyon, sa wakas ay bumalik na ang dating Finn Doria. Nagagawa niya nang maging masaya at ngumiti muli. Nag-uumapaw na ulit sa determinasyon at buhay ang kanyang mga mata. Mayroon na siya ulit inspirasyon para ipagpatuloy ang kanyang mga hangarin sa buhay. Sa kabila ng kanyang mga pinagdaanan dahil sa pagsasabwatan nina Munting Black, mayroon siyang natutunang bagong karanasan na kinapulutan niya ng aral. Mas lalo pang lumawak ang kanyang pag-iisip, at mas naunawaan niya kung gaano kadilim ang mundo ng mga adventurer kung saan anomang oras ay mayroong trahedyang maaaring mangyari. Ganoon man, ngayong humiwalay na ng landas si Munting Black at ang mag-asawa nina Leonel at Loen, mas mapapabuti kaya ang buhay ni Finn, o mas lalo siyang mahihirapan? Date Started: June 1, 2022 --

Ngayong tapos na ang pakikipagsapalaran ni Finn sa mundo ng alchemy, oras na para maisakatuparan niya ang kanyang hangarin na paghihiganti sa mga salarin sa pagkawasak ng Ancestral Continent at pagkamatay ng mga mahahalaga sa kanyang buhay. Oras na ng paniningil, sapat na ang kanyang lakas at kapangyarihan, at kasama ang puwersang kanyang binuo, ang New Order sisimulan niya na ang pagkamit sa hustisyang inaasam niya para sa mga mahal niya sa buhay. Ipararamdam niya sa lahat ng may kasalanan sa kanya ang galit ng isang Finn Doria. Published on wattpad Dec 25, 2021 - --

Synopsis: Sa bagong yugto ng buhay ni Finn, isang panibagong pakikipagsapalaran at paglalakbay ang kanyang mararanasan kasama sina Poll, Eon, at Paul sa loob ng isang misteryosong mundo. Bagong mga kalaban, kakampi, at katunggali ang kanyang makikilala sa pag-aagawan sa mga oportunidad at kayamanan. Isang panibagong paglalakbay na puno ng misteryo at pakikipaglaban sa loob ng mundong tinatawag na "Mundo ng Alchemy". Ganoon man, sino ang nilalang na nagmamay-ari sa mahiwagang mundo? At ano ang kanyang magiging papel sa buhay at pakikipagsapalaran ng binata sa hinaharap? -- Started on wattpad August 17, 2021 - November 25, 2021

Dahil sa pagkapanalo ng New Order Alliance sa malaking digmaan, ang Dark Continent ay nakatakda nang mabago at magkaisa. Tapos na ang misyon ni Finn sa Dark Continent, nagawa niya ang hamon ni Munting Black, at ngayon, babalik na siya sa Ancestral Continent upang muling makasama ang kanyang pamilya at ang kanyang mga kaibigan. Subalit, isang trahedya ang sumalubong kay Finn sa kanyang pagbabalik. At dahil sa trahedyang ito, magkakaroon ng malaking pagbabago sa buhay ng binata. Magiging iba na siya sa dating Finn Doria. -- Started on Wattpad: April 11, 2021 - August 2, 2021 Illustration by Rugüi Ên

Synopsis: Nagsulputan na ang mga bagong kalaban. Ang mga sikreto ay isa-isa nang naglalabasan. Hindi pa rin natatapos ang kaguluhan, at upang matapos ito, kailangang magsimula ng malawakang digmaan upang mabago ang nakasanayan. Mayroon nang lakas at kapangyarihan si Finn upang lumaban, pero, kakailanganin niya pa rin ang tulong ng kanyang mga kaibigan. Sino ang magwawagi sa huli? Ang nais umalipin sa ibang lahi, ang nais pumaslang sa ibang lahi o ang nais mapag-isa ang bawat lahi? -- January 1, 2021 - April 10, 2021 Illustration by Rugüi Ên