Alamat ng Ilang-ilang Kwento ni Segundo D. Matias Jr. Iginuhit ni Rovi Jesher Salegumba "Sa kuwentong ito, binibigyan-pansin ng may-akda ang labis na pagmamalasakit ni Ilang sa mga mamamayan ng kaharian. Nang dumating ang mga mananakop ay kinalimutan niya ang sariling kapakanan at buong giting na sumulong sa digmaan. Nang mawala sa kanya ang nagiisang pag-ibig, ibinaling niya ang kabiguan at buong panahon sa pagpapaunlad sa kabuhayan ng mga mamamayang nasa ilalim ng kanyang kapangyarihan."

Kuwento ni Segundo D. Matias, Jr. Guhit ni Rovi Jesher R. Salegumba Editor: Edith Garcia Salin sa Ingles ni Becky Bravo Book Production: Joen Chionglo

Ang Sarimanok Kuwento ni Segundo Matias Jr. Guhit ni Erwin Arroza

Noong unang panahon, may isang batang nagngangalang Paklong na nangarap tumira sa palasyo. Ipinag-adya ng tadhana na matupad ang kanyang pangarap--naging kaibigan niya ang prinsipe at ang hari't reyna; nakatuntong siya sa palasyo, at nakapagsuot ng mga damit ng prinsipe. Kung naging mapagkumbaba lamang si Paklong sa kabila ng magandang kapalaran na dumating sa kanya, baka sakaling natupad ng tuluyan ang kanyang pangarap na maging tunay na prinsipe. Sa halip, siya ay naging-\ TIPAKLONG!

Kuwento ni Segundo D. Matias Jr. Guhit ni Ghani Madueño Noong unang panahon, ang mga paniki ang itinuturing na may pinakamgaganda at may makukulay na pakpak. Mahahaba ang kanilang buntot. Bukod sa mga katangiang iyon ay mapupungay rin ang kanilang mga mata. Isang araw, dumalaw ang diyosa na may hatid na masamang balita. Dahil dito, nagsimulang lumitaw ang tunay na mga saloobin ng mga paniki, hudyat ng simula ng pagbabago ng kanilang anyo. Alamin sa makabagong alamat na ito kung bakit sa gabi lamang lumalabas ang mga paniki mula sa kanilang mga lungga, at kung bakit patiwarik sila kung dumapo.

Alamat ng Pagong Kuwento ni Segundo D. Matias Jr Guhit ni Ghani Madueño Noong unang panahon, may isang lalaking pinagkaitan ng magandang kinabukasan. Ngunit dahil sa kanyang busilak na puso ay ginantimpalaan siya ng pagkakataong umunlad sa buhay. Ngunit ang magandang kapalarang ipinagkaloob sa kanya ay kanyang inabuso, at dahil dito, siya ay isinumpang maging isang makupad na hayop. Alamin sa makabagong alamat na ito ang pinagmulan ng pagong at ang kapalit ng pagiging mapagmataas.

Alamat ng Buwaya Kuwento ni Segundo D. Matias Jr. Guhit ni Rowen T. Agarao

Alamat ng Bawang Kuwento ni Segundo D. Matias Jr. Guhit ni Jomike Tejido Noong unang panahon, may isang barangay sa hilaga na pinagyayarihan ng di-maipaliwanag na pagkawala ng mga ani. Si Sakwel, ang bunsong anak ng datu, ang nakatuklas sa di-mabuting gawain ng mga taong-puti. Ngunit sa halip na parusahan niya ang mga ito ay inaruga niya ang mga ito at pinakitaan ng ganap na kabutihan. Alamin sa kuwentong ito ang pinagmulan ng bawang at kung bakit kumpul-kumpol ang mga klabo nito, gayundin ang maaaring makamit na biyaya mula sa kasipagan at kabutihang-loob.

Alamat ng Lamok Kuwento ni Segundo D. Matias Jr. Guhit ni Rowen Agarao Noong unang panahon sa isang malayong ayan, may isang batang prinsesang mahilig magtampisaw sa mga sanaw. Mayroon siyang laruang espada na ipinansusundot niya sa mga kasambahay. Ugali rin niyang maglubid ng mga salitang kanyang ibinubulong sa mga tao sa kaharian. Tuloy, nagkakaroon ng di-magagandang pangyayari sa buong kaharian. Basahin sa alamat na ito ang pinagmulan ng lamok at kung bakit humihiging ito sa tainga at naninipsip ito ng dugo.

Ang Aking Anghel Kuwento ni Segundo D. Matias Jr Guhit ni Kora Dandan-Albano May isang nanay na nagkukuwento. Sabi niya, nagsimula sa isang hindi maintindihang pakiramdam-isang pakiramdam na hindi mapakali, laging pagod, inaantok. Sabi ng doktor, dala-dala niya sa kanyang sinapupunan ang isang supling. IKAW IYON! Basahin sa kuwentong ito kung paanong ang isang bata ay isinilang sa mundo, kaakibat ang buong pagmamahal ng isang ina.