"පොඩි එකෙක් වගේ හැසිරෙන්න එපා, ඉසුර! මනුස්සයෙක්ට හානියක් කරනතුරු උන්ගේ වැඩ කටයුතුවලට මැදිහත් වෙන්න අපිට තහනම්. යක්දෙස්සෙක් වෙච්ච පලියට දකින දකින අමනුස්සයව මරල දාන්න උඹට අයිතියක් නැහැ..." ඉසුර විද්‍යාපති, පාලනයෙන් ගිලිහුණු අමනුශ්‍යයන්ව මෙල්ලකරන දඩයක්කාරයෙක්. දිනාධිව ආරක්ශා කරන්න භාරවුණු ඉසුර විද්‍යාපතිට වෙන ප්‍රශ්නෙකට මුහුණ දෙන්න සිදුවෙලා! අවදිනොවී අසිහියෙන් ඉන්න දිනාධිට 'කුමාර දෝශය' හැදිලා කියලා ඉසුරට සීයට අනූනවයක් විශ්වාසයි. ඒත්- කළු කුමරයෝ බැලුම් හෙලන්නේ ගැහැණු ළමයින්ට නෙමෙයිද? ඒගැන හොයන්න පටන්ගන්න ඉසුරට ඇත්ත ගොඩගන්න තමන් විශ්වාස කරන්න කොහෙත්ම අකමැති අමනුශ්‍යයෝ කිහිප දෙනෙක් එක්කම වැඩකරන්න වෙනවා විතරක් නෙමෙයි, එතෙක් කාලයක් 'අමනුස්ස ලෝකය' ගැන තිබුණු විශ්වාසන් එකින් එක බිඳ වැටෙන්නත් පටන්ගන්නවා. අංගාර- වේතාල කතා මාලාවේ දෙවැන්නයි.

බෑ කියන්න බැරිකමට තමන්ගේ යාළුවගේ පෙම්වතා විදිහට රඟපාන්නම් කියලා ධිනාදී කිව්වනම් තමයි... හැබැයි, ඒ රඟපෑම කෝණාරගේ පවුලේ අය ඉස්සරහත් කරන්නවෙනවා කියලා එයා දැනගත්තේ පස්සේ! හැඩකාර... සල්ලිකාර... කෝණාරට කිට්ටුවෙන්න බලාගෙන දාහක්දෙනා ඉන්නකොට "මටම එහෙම යෝජනාවක්කළේ ඇයි?" කියලා කෝණාරගෙන් අහන්න ධිනාදීට කොහෙත්ම හිතුනෙනැති හැටි... අකමැත්තෙන් යෝජිත විවාහකයක පැටලෙන්න කොහෙත්ම හිතහදාගන්නබැරි කෝණාර එයාගේ ලෝකෙට ධිනාදීව ගේන්නේ තරමක් ආත්මාර්ථකාමීවිදිහට කියලා පසුතැවිල්ලක් ඇතිවුනත්, කෝණාරට බසුබසින්න කොහෙත්ම විදිහක් නැහැ. කෝණාර කියන්නේ, යක්ශ ලේ මුහුවෙච්ච "වේතාලයෙක්" කියලා දැනගත්තොතින් ධිනාදී කොහොමද හැසිරේවිද? මේ හැමදෙයක්ම අතරේ ධිනාදී පැහැරගැනීමකට ලක්වෙන්නේ කවුරුත් නොහිතපු විදිහකට....