Wattys Shortlist 2025 Pinamana kay Mary Jane Bueno ng kanyang yumaong lola ang kanilang ancestral mansion na noong Spanish Era pa nakatirik. Saksi ang lugar na iyon sa mga pinagdaanan niya sa buhay simula pagkabata. Subalit sa kanyang pagbabalik sa mansyon, hindi inasahan ni Mary Jane na sa ibang panahon pala siya dadalhin. Napadpad siya sa taong 1886, bilang Juana Maria Alcaraz Morales at asawa ang nangangalit na si Alvaro Morales na isang doktor. Sa pagbabalik sa lumang panahon, sa panahon na may pamahalaang Kastila at hindi niya nakasanayan-anong magiging papel ni Mary Jane doon? Anong mga lihim ang nakakubli na magdidikta sa takbo ng buhay niya? Title: Alimpuyong Puso Author: AndreaCornilla Genre: Historical Fiction Fantasy Romance Novel Status: Complete #AndreaCornillaAlimpuyongPuso

Miss Ginoo by Andrea Cornilla Pumanaw ang ina ni Margarita Garcia nang ipanganak siya nito. Lumaki siya kasama ang kanyang ama na si Don Jose Garcia at ang dalawang kapatid, na parehong matatapang at brusko. Kaya si Margarita ay hindi ang tipo ng babaeng isang Maria Clara. Hindi siya ang tipo ng dalagang sumusunod sa pamantayan para sa inaasahan sa mga kababaihan. Dahil isang kahihiyan ang kanyang mga inuugali at kilos bilang isang babae, nagpapanggap siyang lalaki at nagtatago sa pangalang Miguel-isang dayuhang alahero na nagbebenta ng mga alahas sa mga mayayaman sa sa San Juan de Bocboc. Mas ninanais niyang maging isang lalaki, dahil mas maraming pribilehiyo ang mga kalalakihan kaysa mga kababaihan noon. Sa kanyang pagpapanggap bilang ibang tao, makikilala niya at magiging kaibigan si Almacen Morales-ang lalaking umiibig sa matalik niyang kaibigan na si Teresa Fernandez. Gusto niyang ipalapa sa mababangis na hayop si Almacen, dahil tinatangi niya rin ang isang Teresa Fernandez. Pero paano kung magising na lamang siya isang araw, na kay Ginoong Almacen na pala tumitibok ang kanyang puso? All Rights Reserved

Sa bayan ng Calapan, noong panahon ng mga Kastila pa lamang ang namamahala sa bansa, si Leonora Francesca Benitez na isang mestiza española ay isinilang na may bingot, isang kapintasang itinuring ng kanyang pamilya at ng mga tao bilang sumpa. Naging madilim na bahagi ng kanyang pagkatao ang kanyang labi na animo'y isang labi ng kuneho. Itinago sa likod ng mga kurtina ng kanilang hacienda, at natutunan mabuhay sa katahimikan, hanggang sa makilala niya si Lorenzo Cojuangco, isang mestizo sangley na magpaparamdam sa kanya ng unang pag-ibig... at unang pagtataksil. Malupit ang mundo kay Leonora. Itinago siya ng kanyang mga magulang, at pinalitan ng ibang tao na kayang ipagmalaki ng mga ito. Naglaho siya na parang bula at wala man lang naghanap. Sinubukan niyang mabuhay pa, subalit puro kabiguan ang hatid ng buhay sa kanya. Hanggang sa isang mahiwagang babae na si Aine, ang naghandog sa kanya ng isang regalo bago niya tuluyang wakasan ang kanyang buhay. Ngunit ano ang kanyang gagawin sa isang handog na dinala siya sa hinaharap, sa taong 2025 na magulo, makabago at magpapabago sa takbo ng kanyang mundo?