COMPLETED/✔/ (currently undergoing rewriting) "Tatlo silang nagkasala. Isa siyang biktima. Ngunit sa dulo, sino ang tunay na halimaw?" Pinagsamantalahan. Pinatay. Itinapon na parang walang kwenta. Dapat ay tapos na ang buhay ni Sally. Dapat ay payapa na siyang tatawid sa kabilang buhay. Pero paano siya mapapahinga kung ang tatlong lalaking sumira sa kanya ay malaya, nagtatago, malayo sa karma na dapat para sa kanila? Hindi siya makaalis. Hindi siya papayag. Sa harap ng bahay ng kanyang mga berdugo, isang madilim na presensya ang lumapit sa kanya. Lady Black. Isang aninong nag-aalok ng matamis na paghihiganti. Isang boses na bumubulong sa kanya na may paraan para makuha ang hustisyang ipinagkait sa kanya. At ngayon, hindi na siya si Sally. Siya ang bangungot na susundan sila saan man sila magtago. Ngunit habang patuloy siyang lumulubog sa dilim, isang tanong ang bumabalot sa kanyang kaluluwa. Kapag naging mamamatay ka para sa hustisya... may natitira pa ba talagang kabutihan sa 'yo? Ito ay kwento ng dugo, galit, at isang kaluluwang hindi matatahimik hangga't hindi nauutas ang tatlong traydor na nagwasak sa kanya. Gigimbalin niya ang mundo ng mga buhay, upang makamit ang hustisyang inaasam. Just read...

COMPLETED/✔/ Isang bala ang nagtakda ng kanilang tadhana. Si Valdous, isang mamamatay-tao na sanay nang magdala ng kamatayan-hindi nagkakamali, hindi nagdadalawang-isip. Walang mukha ang kanyang mga biktima. Isa lang sila sa mahabang listahan ng mga pangalan na kailangan niyang burahin. Hanggang sa dumating si Mara. Ang babaeng akala niya'y isa lamang pangkaraniwang misyon, ngunit biglang naging pinakamalaking balakid sa kanyang malamig na mundo. Sa unang pagkakataon, nagdalawang-isip siya. Paano kung ang taong dapat niyang patayin ang naging dahilan ng muling pagtibok ng kanyang puso? Ngunit walang lihim na natatago magpakailanman. Nalaman ni Mara ang mabalasik na katotohanan, na ang lalaking minahal niya nang walang alinlangan ay siya ring itinalaga para wakasan ang kanyang buhay. Ngayon, nagbabantang bumagsak ang lahat. Sa pagitan ng galit, takot, at pag-ibig, magtatagumpay pa ba ang kapatawaran? O tuluyan nang babagsak ang kanilang mundo sa patibong ng tadhana na walang sinumang makakatakas? Just read...