PEARL OF THE ORIENT SEAS SERIES #1 Sa isang antigong tindahan sa Maynila, nadiskubrehan ni Kaye Dominique Torrepalma, isang historian at manunulat, ang isang lumang baul na puno ng mga liham. Isinulat sa eleganteng tinta na ngayo'y unti-unting kumukupas, ang mga liham ay nagsasalaysay ng kwentong pag-ibig nina Leonardo Matías Ramírez, isang sundalong Espanyol-Pilipino, at Cecilia Victoria Payad Ortega, isang matapang na Pilipinang makata at rebolusyonaryo. Habang binabasa ni Kaye ang mga liham, unti-unti niyang binubuo ang kasaysayan ng dalawang pusong nagmahal ngunit pinaglayo ng digmaan at mahigpit na panuntunan ng kolonyalismo. Si Leon, isang sundalong itinalagang panatilihin ang kaayusan sa ngalan ng korona habang si Cecilia naman ay isang makatang lihim na lumalaban para sa kalayaan. Dalawang kaluluwang nasa magkasalungat na panig ng kasaysayan, ngunit pinagtagpo ng pag-ibig. Determinado si Kaye na matuklasan ang kanilang naging kapalaran. Sinundan niya ang mga bakas ng isang pag-ibig na pilit binura ng panahon, at nadiskubre niyang may mas higit pa pala si kwento nila. Mga kwentong mas malalim pa kaysa sa inaakala niyang pag-iibigan lamang ni Leon at Cecilia. Start Date: February 23, 2025 End Date: May 3, 2025

PEARL OF THE ORIENT SEAS SERIES