Sa pagitan ng pamilya at hustisya, ano ang higit na mahalaga? Tatlong magkakapatid ang pinaghiwalay at pinaglaruan ng tadhana ang siyang bubuohin ng pagkakataon sa makabagong panahon. Si Danilo, ang binata na tanging hiling ay maramdaman ang pagmamahal ng isang ama dahil simula ng mawala ang kanyang ina ay hindi na rin niya kilala ang kanyang sarili. Si Reynaldo, ang binata na lumaki sa lolo at lola na hindi niya totoong kadugo kaya naman nangangarap na isang araw ay matatagpuan ang kanyang totoong ama at ina. Si Rose, ang dalaga na simpleng buhay lang ang gusto kasama ang inaakala niya na tunay na pamilya ngunit sa pagkawala nila ay masasangkot siya sa isang magulo na kapalaran na magdadala sa tunay niya na pagkatao.