THERE'S NO TURNING BACK! Kapag sarili na ang kalaban, paano ka makakaligtas? "Nasaan kayo?!" Sa lugar na tila ang katahimikan ay ingay, bawat minuto ay oras, isip nga ba'y pagkakatiwalaan? "Kailangan na nating tumakas huwag mo na silang balikan!" Mga bulong na palaisipan, tatakbo ka ba? Lilingon ka? Babalik ka pa ba? Kung buhay mo ang nakasalalay, sino ang iyong pipiliin? Ang iyong sarili o sila na mahal mo sa buhay?

Isang bagong kasal na mag-asawa sina Kamila at Aiden, nagsimula sa isang bagong buhay sa isang mapayapang bayan ng probinsya, malayo sa maingay at magulong buhay sa lungsod. Ang pangarap ni Kamila na tahanan ay agad na ibinigay ni Aiden ng makita niyang bakante at ipinagbibili ang bahay at lupa nito, hindi na nagdalawang-isip pang bilhin ito para sa bagong buhay nilang dalawa bilang mag-asawa. Gayunpaman, ang kanilang katahimikan ay panandalian lamang, hindi nila akalain na may nakatira pala sa harapan ng kanilang bahay. Si Cielo, na siyang pinakamatagal ng nakatira sa lugar na 'yun, halos siya na nga lang daw ang tumatagal dahil nag-aalisan ang mga taong tumitira sa ibang katabing bahay. Sabi niya, minsan daw ay nag-iisip na rin siyang umalis ngunit pamana sa kanya ang bahay na tinitirhan niya ng kanyang namayapang mga magulang kaya hindi niya ito maiwan. Habang nakikilala nina Kamila at Aiden si Cielo, hindi nila napapansin ang mga kasinungalingan na nagbabantang sirain ang kanilang kaligayahan at ang kanilang pagsasama. Malalaman kaya nila ang katotohanan sa likod ng misteryosong presensya ni Cielo, o sila na ba ang pinakahuling biktima ng isang masasamang puwersa na nagkukubli sa mga anino ng kanilang bagong tahanan?

"Walang lilikha ng ingay, maririnig ka niya." Isang grupo, anim na myembro. Lahat sila ay may lihim na mga sikreto, nandito ba sila upang iligtas ang bawat isa o upang maging leksyon ang isa't-isa? Hanggang saan sila dadalhin ng tiwala na walang kasiguraduhan? Handa kaya silang haharapin ang mga delikadong pangyayari na nakaabang sa kanila sa pagdayo sa isang lugar na abandonado at puno ng misteryo? Isa lang ang tiyak na nakaabang sa bawat isa sa kanila, iyon ay ang delikado ang bawat segundo na mananatili sila sa lugar ng abandonadong baryo na puno ng mga pinakatatagong mga krimen at sikreto. Start: July 20, 2025 End: ---------