PAGPAPAKILALA NG MAY-AKDA Ako si Paolo Dela Vega, ang may-akda ng nobelang ito. Bagama't kathang-isip ang mga tauhan at pangyayari, tunay ang mga lugar na binabanggit dito. Layunin kong ipakita ang kalagayan ng ating bayan, ang Pilipinas, ang mga hamon na hinaharap nito, pati na rin ang mga pagpapahalagang Pilipino na tila nalilimutan na sa kasalukuyang panahon.Sa pamamagitan ng nobelang ito, nais kong ipaalala ang mga ugaling dapat manaig sa ating lipunan, gaya ng pagmamalasakit sa kapwa, pagkakaisa, at tunay na pagmamahal sa bayan. Ipinapakita rin dito ang iba't ibang talento ng mga Pilipino at ang kanilang kakayahang bumangon sa kabila ng mga pagsubok.Higit sa lahat, ang aklat na ito ay isang paanyaya at isang hamon sa bawat mambabasa na buksan ang kanilang mga mata, puso, at isipan upang makita ang realidad ng ating bayan at matuto mula rito. Sana'y makatulong ito sa paghubog ng mas makabayan, mas may malasakit, at mas matatag na Pilipino.