- -لججج روحح وحق ربج اذا لزمتج اطلع غيض الله وعباده بيج اطلعي حطيت ايدي على حلگي اتنفس بسرعه ابجي بصمت كل جسمي يرجف بس صوت خطواته جان كفيله تخلي الرعشة على طولي فتح باب الحمام لزمت بثنين اديه المزهريه اول ما مشه خطوتين جوا الحمام ضربت راسه ضربه قويه صرخت اني بخوف وهو اندار لازم راسه ينزف كله دم طلعت اركض من الغرفه قبل ما اوصل لبابها لزم شعري وجرني حيل حسيت خصلاته كلها تكطعت بين أصابيعه دارني عليه حط وجهه بوجهي ويضحك دم ينزل من راسه على كصته -عبالج تفلتين؟مو يم علي هاي السوالف....ايامج هنا كلها تكضيها اكرهج بروحج كفيلج الله ..وهاي الضربه حسابها بعدين..