أدور بيا وجه حتى ألمح عيونك شلتك حرز بالروح وخفت لا يتهيونك أمس جنت الهوى اليرد الروح للغركان واليوم جنك غريب وما إلك عنوان أعاتب من؟ وأنه البيه جرح ما يرضى يبجيلك صدكني أنا محتار من حيرتك وأكبر حيرتي غرگانه بساگية تدور بطيب موش بماي وتفيض بوفه وتلم شمل خلان ديرتنا الحنين اليفيض بيها ما ينقاس مدري شون اجانا الوكت أعوج وحرگ زرع العرف والطيب والرفگه گــلب عاليها واطيها وخـرب تواصيها ولا ظلت دروب التلم الشمل ولا ضلت ذيچ الساكية تروي الوادم العطشانة يبست حتى گاع الله وتطاير رماد البيت وضاع الحيل وتواروا اهلنا بالگاع بقت بس ريحة محترگة.. وشهگة موت بلسان ديرة المذبوحة تصرخ بالفضيع وتلچم الروح وما ظل غير حسرة بالعين وألمّ محفوف بحزن ودموع وبقت آخر ذكراه على جرف متروك يسمونه بـ "ساگية عَرب" . بقلم زَينَب العَلِي .