Sa tulong ng System na nagmula pa sa hinaharap, kilala na ng buong Red Division ang pangalang "Grim Lancaster." Pero sa kabila ng kaniyang mga abilidad, alam niyang hindi pa sapat ang lakas niya upang ipakita kung sino talaga siya. Hindi pa ngayon ang oras para ibunyag ang tunay niyang pagkatao bilang isang mandirigmang maraming himala. "Darating ang araw na babagsak din si Barthel at ang guro ni Jedan sa sarili kong mga kamay." Isa iyong pangakong matagal nang nakaukit sa puso ni Grim - at kailan man ay hindi niya iyon balak na talikuran. Pero para maisakatuparan iyon, kailangan muna niyang makaligtas. Dahil sa desisyon niyang tumayo sa tabi ni Nirvana Embers, isa na rin siya ngayon sa puntirya ng mga assassin - mga lihim na kalabang handang pumatay para sa layuning hindi pa niya lubusang nauunawaan. At kung gusto niyang makamit ang pagkilalang nararapat sa kaniya... kailangan niyang higitan ang sarili niyang limitasyon. Kailangan niyang lumaban sa mga aninong hindi niya nakikita, sa mga panganib na hindi niya alam kung kailan tatama. Sa mundong puno ng panlilinlang at lihim - hanggang kailan niya kayang manatiling buhay... Kung ang totoo niyang pagkatao ay hindi niya magawang maisigaw? Book Cover by: @Patzgeraldt Date started: April 01, 2025

Walang pangalan. Walang kalayaan. Isa lamang na alipin si Grim - hanggang sa isang gabi, tinulungan siya ng isang misteryosong mersenaryo upang makatakas. Gayunman, ang dati niyang amo ay natunton siya't walang awang pinaslang. Dapat ay doon na nagtatapos ang kaniyang kuwento. Pero hindi. Isang misteryosong boses mula sa hinaharap ang bumulong ng kakaibang salita sa kaniyang isipan: "System, now downloading, Advanced Class: Lord of the Dead Beasts." Mula sa kamatayan, si Grim ay muling nabuhay. At sa kaniyang paggising, taglay na niya ang kapangyarihang muling buhayin - at kontrolin - ang mga bangkay ng Magus Beasts. At ngayon, hindi na siya alipin. Isa na siyang nilalang na hindi na kaya pang itali ng kadena o isumpa ng kasuklam-suklam niyang marka. Ang pangalan niya ay Grim Lancaster... at dala niya ang bangis ng libo-libong mga Magus Beasts. Ang mundo ay magluluksa. At ang kaniyang paghihiganti... AY DITO PA LANG MAGSISIMULA Bookcover by: @Patzgeraldt Date Started: January 01, 2025