هەمووان وابیر دەکەنەوە ژیان زۆر نادادپەروەر و دژوارە بەرامبەرمان، بەڕاستی وایە؟ ئەوەی ئێمەی دووچاری سەختیەکان کردۆتەوە ژیانە؟ چونکە من هەمان ڕام نیە، ئەوەی ژیانی بۆمان قورس کردووە خودی مرۆڤەکانە، با بە نموونەیەک ڕوونی بکەینەوە.. سبەینێیەک درەنگ چاوانت هەڵدێت، وە بۆ کارەکەت دوادەکەویت، لەوکاتەدا ڕەخنە لەوە دەگریت کە بێ بەختیت و نەدەبوو لەم ژیانە بوونت هەبوایە، وە گلەیی لەم ژیانە دەکەیت، بەڵام ڕاستیەکە ئەوەیە کە تۆ بێبەختیت و ژیان هیچی باشت بۆ ناهێنێت؟ یاخود «ڕاستیەکە» ئەوەیە کە دەترسیت بڕۆیت و بەڕێوبەرەکەت دەرت بکات! تەماشا بکە.. هۆکارە ڕاستەقینەکە ئەوەیە ئێمە لەوە دەترسین مرۆڤەکان چۆن مامەڵەمان لەگەڵدا بکەن، لەوە دەترسین دووچاری چ قسەیەک ببینەوە، بۆیە گلەیی لەوە دەکەین ژیانێکی ناخۆشمان هەیە. «کچێکی ١٨ ساڵ کە بەدرێژایی ژیانی لەوە ترساوە توشی ڕەخنە ببێتەوە بۆیە دوو کەسایەتی جیاواز لەیەکدی هەیە، لە ناخەوە کەسێکە و بە ڕووکەشیش کەسێکی دی، دەتوانێت تا چەندێک بەرگەی دوڕووی خۆی بگرێت و بەوجۆرە بەردەوامبێت؟ دەبێت تا چەندێک بتوانێت ڕۆڵبگێڕێت و درۆ لەگەڵ خودی خۆی و دەورووبەری بکات؟» کۆتایی هاتووە لە بەرواری ٤/٥/٢٠٢٥...