‎Akala nila buo na ang mundo nila. ‎ ‎Si Lorenzo Emmanuel Vargas, CEO, heir, and legacy bearer, ilang ulit na niyang nilibot ang mundo, nakausap ang mga taong may pangalan, at nakipagkamay sa mga desisyong bumabago ng landscape ng negosyo. Ang apelyido niya, mabigat. Ang reputasyon niya, matatag. Pero kahit anong taas ng narating, bakit tila may kulang pa rin? ‎ ‎Si Mira Ysabel Reyez, ang nag-iisang anak ng mayamang angkan sa San Roque, Negros Oriental. Sa mansyon at hacienda siya lumaki, pinuno ng prutas ang bawat anihan, pero hindi niya alam kung anong klaseng bunga ang ibibigay ng mundo sa labas. Walang karanasan sa trabaho, ni sa pag-ibig, pero may apoy sa puso niyang gustong kumawala. Hindi dahil kulang siya, kundi dahil alam niyang may mas malawak pang mundo kaysa sa paligid ng pangalan nila. ‎ ‎Sa isang dating app na trip-trip lang, nag-match ang dalawang taong hindi naghahanap. At sa isang pagkikitang hindi planado, nagsimulang mabuo ang tanong: Paano kung ang kulang sa buhay mo ay yung taong hindi mo kailanman inaasahan? ‎ ‎Sabay-sabay nating subaybayan ang kwento nina Lorenzo at Mira, dalawang taong hindi inaasahang matutuklasan na may bahagi pala sa kanilang sarili na matagal nang nakakulong... at sa isa't isa lang pala makakawala.

Sequel/Book 2 (The MAIN STORY) of Love at First Read. Ano ang gagawin mo kung ginulo ng tadhana ang tahimik mong mundo? Sina Train, AB, Kudos, at Hazel, pinagsama-sama at sabay-sabay na pinaglaruan ng tadhana. Handa na nga ba silang harapin ang lahat kahit na maaari silang masaktan at mawasak sa huli? *** Hanggang saan ang kaya mong gawin para sa pag-ibig? Para kay Train, kaya niyang suwayin ang ama at maghintay ng hanggang sampung taon para kay AB. Para kay AB, pipilitin niyang mabuo ang nawasak na sarili para maging karapat-dapat kay Train. Para kay Kudos, kaya niyang masaktan nang paulit-ulit basta't mananatili siya sa tabi ni AB. At para kay Hazel, patuloy siyang aasa na mahahanap ang taong tunay na magmamahal sa kanya. Pero paano kung tadhana at realidad na ang kalaban nila? Itutuloy pa rin ba nila ang laban kahit na pinipilit na nito na sumuko na sila?