••#صَــــغِـــيرةِ_نـــَاصــــر•• بأنــامــل : كليوبـــاتـــرا (Shaimaa ennassiri) #نُبــــدة : 🕊️🎬 بين الخضر واليابس... والصالح والطالح... قبيلة أولاد زيّان جات وسط وتربعت على عرش من صُلب الرجولة... ومن نَفَس الأرض اللي تشهد بدم جدودها... قبيلة غير تسمع اسمها تشم ريحة شهامة مغلّفة بريحة تسلّط... ريحة رجل ما يرضى بأنثى ترفع عليه عينها... ولا قانون يتبدّل على هواها... في أولاد زيّان، البنت ما كانتش تولد لنفسها... كانت تولد بوعدٍ مكتوب قبلها... في كرش أمها وهي مرشومة، مقرّرة المصير، مربوطة باسم راجل ما شافتوها عيونها... وكي توصل 18 عام... تخرج من دار باها بحيائها... وتدخل دار راجلها بصمتها... تطيعو وتحني راسها حتى يسلم مول الأمانة أمانتو... وإن قالت "لا"... تنبذ... فالطاعة عندهم ماشي خيار... هي فرض من فُروض القبيلة... حتى خرجت بنت... فيها دم زيّان ولكن قلب ما يشبهش نساهم... هرست القانون... وعاندت... ومن شدّة شمتة باش يغسلو العار، زوجو وحدة ما زال الطفلة ...مقفلاتهاش ستة عشر عام... باش يردّو الميزان ويثبتو أن زيّان ما يتغيّرش...والتاريخ... ما كيتنساش...هادي هي قبــيلـــة أولاد زيّـٰان !!!

تـــــقـــــــديــــــم 📚🖋️ "ملي كتضحك ليك الدنيا وتعرف راسك مزهاار...هي منين كتلقى صحبة نقرة حرة...تخبي فيها سرايرك ونتا عارف مايخرجوش...ترجع ليها وقت غبينتك ويتحلوا بيبان الفرح...فاش تمشي باكي وترجع ضاحك...ياما ناس غبنتهم الصحبة...وياما ناس سعدتهم، فالدنيا متنعرفوش شكون معانا وشكون ضدنا...ولايني ايلا كانت عندك صحبة واقفة معاك فالحزة قبل الفرح حتى حاجة ماتخلعك...ماتدويش نتا ويدويو هوما...سعدات اللي كرموا ربي بصحبة ترجع ليه ماشي عليه...ولكن هاد الصحبة فين غادي تتلي ملي مايكون حتى حد فيهم عاقل ومتبتت وهادوا هوما بنات قصتنا كل وحدة فيهم شاعلة فيها العافية يموتوا على الصداع والمشاكيل...ولايني زهرهم غادي يطيحهم فرباعة دالمعقدين...حتى نشوفوا هاد الحريرة فين غادي تخرج" ⬅️كاينين شي ناس: "كيقولوا بلي أسرع طريق لكسب قلب الرجل هو المعدة ديالو،وهادشي اللي غادي يطرا للدكالي اللي كيموت على الماكلة ودوقو صعب منو مكاين،غادي يولي مدمن على أكلات واحد الشيف اللي غادي تندمو على النهار اللي بغا يعرفها فيه حيت شخصياتهم عكس بعضياتهم تماما.ياترى كيفاش غادي يتلاقاو؟وشنو غادي يتبدل فحياتهم من مور معرفتهم لبعض؟؟"