ريناد طفلة تقرى في ليسي عندها حلمِ وحيد، تتحذف اللغة الفرنسية من الدنيا ... خاطرش مسببتلها مشاكل كبار، جامي خدمت و جابت فوق 10 ملي طلعت للمتوسطة و دك فليسي، في اهم عام عندها طاحت عند شيخة كرهتها في دم خاطرش بكل بساطة ريناد كانت كيما صنم ملي تدخل و هيَ تتفرج في الطاقة و صراحة ريناد مشاعرها كانو متبادلين كانت تكره الفرنسية، تكره الشيخة و فوقها تكره وليدها لي قع مراه سامع بيها حية ولا ميتةَ .. أديب وليد شيخة تع لفرونسي، طفل يدور مع صحابو زوج عايش حياتو بينو بينهم، كل وقتو معاهم ...حاب ينجح يطلع لافاك و يتنهى يبانلك شخصية عميقة ديكتاتورية و يحب يلعب شطرنج، بصح الحقيقة انو واصل سطاج الوحش في التفاهة! كانت تكرهو و هو ميعرفهاش اصلا، تجمعهم فعالية داروها في ليسي ... يطيحو في زوج مع بعضاهم بش يوجدو لكلش! بصح مع طفلة تكرهك و طفل يسي يتجاهلك صدقني راح تصرا ديڨة كحلة مع هذو زوج! بين ريناد و أديب وقت صعيب يفوتوه مع بعضاهم، بدات بكره و منعرف بواش حتكمل فكيما تعرفو مع الوقت قادرة تتبدل بزاف حوايج ! - - ملاحظة : رواية من تصميمي يمنع الاقتباس الاخد بالإذن او بلا إذن و شكرا

بعـد ماكنت عايشة حياةِ روتينيةَ و مملة فالجزايـر، قـررت نقـلب الصفحة و نبدا من جديد ...و نشد طريقي لبلاصة جديدة، وين نحاول نبني حياتي كـ دونتيست وسط مدينه كبيرة و معمرة تحديات، و ماكانش في بالي بلي لقدر مخبي عليا بزاف مفاجآت و اولها نتلاقا بهذاك الإنسـان ... مابـين الضغط تاع الخـدمة و الغربة و القصص اللي تبداَ تترسـم قدامي، رح نلقـى روحي عايشة مغامرةَ ماكانتش في بالي !

حياتي كيما أي بنت في الجزايـر، بين تحديات يومية، عائلة بسيطة، وقرايتي اللي ماشي دايمًا سهلتَ. كل يوم نتعامل مع الصعوبات بحكم الواقع، لكن وسط كل هاد، كانت كاينةَ حاجة مختالفةَ .... كان كاين هوا يجي ويغيّر المعادلة ! واحد ما يشبهش لـباقي الناس، عينه معمرين بـالشكِ ... وقلبه فيه كثر من كلمة. كان يحب يفرض رايو و روحو، مش باش يسيطر، لكن لأنو عارف وين رايح و عارف روحو بلي رابحِ ... لهـذا جا عندي و قلب كلـش ... "عـلى جَالكِ نحـرڨ دزايـر" "لي طيح دعمَة من عينكِ, نحيه من لرض هذي .."