Isang dalubhasang kawatan ang bigla na lang napunta sa mundo ng pantasya kung saan umiiral ang mahika at katakot-takot na mga halimaw. Sa kamalas-malasang pangyayari, napunta siya sa katawan ng isang ordinaryong binatilyo. Paano makaliligtas ang tulad niyang sanay sa marangyang buhay sa mundo ng mahika kung lakas ang pinagbabasehan? Makakaya niya bang mabuhay ng masagana gaya ng dati o muli siyang mamamatay dahil sa pakikipagsapalaran? Ito ang kwento ng pakikipaglaban, pagtatraydor, pakikisama, pagsasaya at pakikipagsapalaran. Ito ang kwento ni Frisco. ** April 11, 2020 (Date Started) May 10, 2025 (Republished)

Matapos niyang lisanin ang Takara para marating ang Kaharian ng Maraktan, magsisimula na si Frisco sa panibagong paglalakbay at pakikipagsapalaran. Nagawa niyang masagip ang buhay ng isang maharlika habang siya ay naglalakbay, at dahil sa maharlikang ito, malaking pagbabago ang mangyayari sa kaniyang buhay. Magagawa niyang marating ang Kaharian ng Maraktan at dito na magsisimula ang kanyang misyon para matupad ang pangako niya sa Takara. --

Synopsis Sa mundong pinaghaharian ng mga maharlika, makapangyarihang organisasyon, at indibidwal na handang gamitin ang sinuman para sa sariling kapakinabangan, pinili ni Frisco na umiwas. Bagaman taglay niya ang potensyal, batid niyang hindi pa sapat ang kaniyang lakas upang makipagsabayan. Ayaw niyang magpaalipin, ayaw niyang magpagamit-kaya't pinili niyang pumasok sa Institusyon ng Nozque, isang kilalang paaralang naghuhubog sa mga may angking kakayahan. Ngunit ang kaniyang desisyon ay simula pa lamang ng mas malaking pakikibaka. Sa loob ng institusyon, makikilala niya ang mga taong magpapalawak sa kaniyang pananaw-kaibigan, kakompetensya, at mga lihim na konektado sa sikretong nais niyang matuklasan. Sa harap ng mga hamon, panlilinlang, at tukso ng kapangyarihan, kakayanin kaya ni Frisco na manatiling tapat sa kaniyang layunin? O sa huli, susukuan niya ba ang kalaayan para sa kapangyarihan? --

Tuloy pa rin ang layunin ni Grim na maipaghiganti ang kaniyang sarili at ang kaibigang pinagmalupitan ng kanilang dating amo. Ngunit upang maisakatuparan iyon, kailangan muna niyang manatiling buhay. Sa pagpiling tumayo sa tabi ng magkapatid na Embers, kusang inilapit ni Grim ang kaniyang sarili sa panganib. Isa na rin siya ngayon sa mga tinutugis ng mga assassin na ipinadadala ng isang makapangyarihang mandirigma - isang lihim at hindi-kilalang kalabang handang pumatay para sa layuning hindi pa niya lubusang nauunawaan. Wala nang puwang para sa pag-aatubili. Kailangang higitan ni Grim ang hangganan ng kaniyang lakas at patuloy na lumaban - sapagkat sa mundong kanilang ginagalawan, sapat na ang isang pagkakamali upang tuluyang mawala ang lahat. Book Cover by: @Patzgeraldt Date started: April 01, 2025

Walang pangalan. Walang kalayaan. Isa lamang na alipin si Grim - hanggang sa isang gabi, tinulungan siya ng isang misteryosong mersenaryo upang makatakas. Gayunman, ang dati niyang amo ay natunton siya't walang awang pinaslang. Dapat ay doon na nagtatapos ang kaniyang kuwento. Pero hindi. Isang misteryosong boses mula sa hinaharap ang bumulong ng kakaibang salita sa kaniyang isipan: "System, now downloading, Advanced Class: Lord of the Dead Beasts." Mula sa kamatayan, si Grim ay muling nabuhay. At sa kaniyang paggising, taglay na niya ang kapangyarihang muling buhayin - at kontrolin - ang mga bangkay ng Magus Beasts. At ngayon, hindi na siya alipin. Isa na siyang nilalang na hindi na kaya pang itali ng kadena o isumpa ng kasuklam-suklam niyang marka. Ang pangalan niya ay Grim Lancaster... at dala niya ang bangis ng libo-libong mga Magus Beasts. Ang mundo ay magluluksa. At ang kaniyang paghihiganti... AY DITO PA LANG MAGSISIMULA Bookcover by: @Patzgeraldt Date Started: January 01, 2025

Upang talunin ang Sect Master ng Arial Sword Sect - ang tanging susi sa pagtunton sa taong nagbigay ng Lavender Cursed Stone kay Jedan - kailangang makamit ni Grim ang imposible: ang pagkadalubhasa sa pag-eespada. At alam niyang iisang tao lang ang makakatulong sa kaniya - si Mival Wilxes - ang kaniyang unang guro na siyang nagligtas sa kaniya sa pagkaalipin, at ang taong nagturo sa kaniya kung paano mangarap nang mataas. Ngunit nawawala ito. Huli itong namataan sa Dreadland - isang sagradong lupain na tinitirhan ng mga Buddharmas, mga nilalang na kinamumuhian ang sangkatauhan. Gayunman, tila ipinahihiwatig ng mundo na hindi pa siya handa - kailangan pa niyang maghintay at magpalakas. Ngunit paano siya maghihintay kung ang bawat segundo ay mahalaga? At kung impyerno ang kailangan niyang pasukin upang iligtas ang buhay ng isa sa iilang taong naniwala sa kaniya- Sisiguruhin niyang ang impyerno mismo ang luluhod sa harapan niya. ©Book Cover Illustration by my self

Dahil sa pagkapanalo ng New Order Alliance sa malaking digmaan, ang Dark Continent ay nakatakda nang mabago at magkaisa. Tapos na ang misyon ni Finn sa Dark Continent, nagawa niya ang hamon ni Munting Black, at ngayon, babalik na siya sa Ancestral Continent upang muling makasama ang kanyang pamilya at ang kanyang mga kaibigan. Subalit, isang trahedya ang sumalubong kay Finn sa kanyang pagbabalik. At dahil sa trahedyang ito, magkakaroon ng malaking pagbabago sa buhay ng binata. Magiging iba na siya sa dating Finn Doria. -- Started on Wattpad: April 11, 2021 - August 2, 2021 Illustration by Rugüi Ên

April 20, 2019 - May 31, 2019 Former Bookcover by @MISTERGOODGUY Current Bookcover Illustration by Maria+Arts --

Ngayong tapos na ang pakikipagsapalaran ni Finn sa mundo ng alchemy, oras na para maisakatuparan niya ang kanyang hangarin na paghihiganti sa mga salarin sa pagkawasak ng Ancestral Continent at pagkamatay ng mga mahahalaga sa kanyang buhay. Oras na ng paniningil, sapat na ang kanyang lakas at kapangyarihan, at kasama ang puwersang kanyang binuo, ang New Order sisimulan niya na ang pagkamit sa hustisyang inaasam niya para sa mga mahal niya sa buhay. Ipararamdam niya sa lahat ng may kasalanan sa kanya ang galit ng isang Finn Doria. Published on wattpad Dec 25, 2021 - --

Synopsis: Sa bagong yugto ng buhay ni Finn, isang panibagong pakikipagsapalaran at paglalakbay ang kanyang mararanasan kasama sina Poll, Eon, at Paul sa loob ng isang misteryosong mundo. Bagong mga kalaban, kakampi, at katunggali ang kanyang makikilala sa pag-aagawan sa mga oportunidad at kayamanan. Isang panibagong paglalakbay na puno ng misteryo at pakikipaglaban sa loob ng mundong tinatawag na "Mundo ng Alchemy". Ganoon man, sino ang nilalang na nagmamay-ari sa mahiwagang mundo? At ano ang kanyang magiging papel sa buhay at pakikipagsapalaran ng binata sa hinaharap? -- Started on wattpad August 17, 2021 - November 25, 2021