كثرت الاقاويل والحكايات عن أبن ادم الذي عشق حواء لحد الجنون الذي كسب دهاء الشيطان ومُكر الجن ولسان البشر العذب ذلك ابن ادم الذي وجعل شياطين الأنس والجن يتحالفون منِ اجلها ابنه حواء ما وراء الابواب حيث عالم الاهازيج قَلوب يعانقها الأسوداد هنا تسقط الاقنعه وتكشف الحقائق التي يخشئ منها الموت بين ظلمات الحياة ومتاعبها هنا ولدت ابنه حواء فتاه كانها روايه قديمه لم تسرد بعد بعيونها البريئه تروي اسرار مدفونه تسير علئ حافه الظلام هل ستنجو من مصيرها المُظلم؟ تعيش بين اوراق الماضي والحاضر والخيال يلعب دوره فهل ستكون سيده الحاضر او الماضي؟ او ستمحئ أثارها كل ليلة، حين يسدل الظلام عباءته، تبدأ "الأهازيج" بالهمس تُنادي باسمٍ غابَ منذ زمن، كأن الموت نفسه يحاول أن يتذكّر . بقَلمي منال جمال 🤎🪽

اليَوم ماكان يَوم عادي اليوم مميز اول مره جسمي ماينضرب واول مره الخوف مايجيس گلبي واكفه كدام المرايه اتامل جسمي بالروب الابيض الخفيف وشعري المنسدل بترتيب علئ طول ضهري مع بعض المكياج الخفيف المنثور علئ ملامحي الحاده قاطع تاملي دخول امي الي تحاول تخفي حزنها بس عيونها فاضحتها حطت ايدها علئ كتفي وسحبتني ناحيه الفراش حضنتني بقوه بادلتها الحضن احاول اتضاهر بالقوه والصلابه بس كُل صلابتي تنهار بحضنها الدافي اعرف هذا اخير حضن واخير لمسه حنان احصلها من والدتي . ابتعدت عني تمسح بدموعها - اعرف أنتِ منجبره علئ هل زواج بس صدكي مرح تتندمين رح يصونوج قهقهت علئ كلامها - يمه تعرفين منو عائله فلاح الدين؟ همه نفسهم الي معادين ابويه صاللهم سنين والسبب مجهول واني الي صرت ضحيه حالي حال الفصليه صار زواجي ! - حبيبتي سربال رجال وشهم وتربايه فلاح الدين ارضي بنصيبج وصدكي ماياذيج - خايفه حيل خايفه يمه ابتسمتلي وطلعت من الغرفه تاركتني ببيت ناس ماعرفهم وماعرف منو همه بس الي اعرفه همه عيالي بلعت ريكي وابتسمت احاول اتضاهر بالقوه والثبات انفتح باب الغرفه ودخل بخطوات ثابته ماشوف بس اقدامه واسمع صوت تنهيداته الواضحه تقرب ناحيتي ورفع وجهي بايده باوعتله بقوه ، ابتسم بخفه واردف بشموخ ونضراته كلها فرح - ياهلا بزوجه الش