Apat na kabataan. Isang mundong kinalimutan. Isang panawagan. Bathalaria-ang mundong kahanay ng sa atin. Hindi nakikita ng mata ng tao, ngunit umiiral sa pagitan ng guniguni, panaginip, at damdamin. Nang nagsimulang maglaho ang mahika ng Bathalaria-isang mundong ginawa sa liwanag at itinago sa hiwaga-nagsakripisyo ang apat na Diwarani. Ginamit nila ang natitirang lakas mula sa apat na sulok ng daigdig upang likhain ang apat na makapangyarihang sandata. Sa pagpapala ng inang diwa ay naikalat ang mga sandata at itinago sa mundo ng mga tao. At sa panahong hindi na naniniwala ang tao sa mga alamat, ay uusbong ang mga kabataang may kakaibang kapalaran. Isang kwento ng pakikipagsapalaran, pagkakaibigan, pagkilala sa sarili, at pagtubos sa mundong unti-unting nalilimutan. Haharapin ba nila ang labang hindi sa kanila O tatalikuran ang mundong sila na lang ang pag-asa?