සෙංකඩගල නුවර වෙත ලියමි , අහම්බෙන් හෝ ගැටුනොතින් ඔහුගෙ නෙත පවසන්න මා හිදිනා බැව් ඔහු හමුවූ නුග රුක මුල.ආයාසයෙන් යොමා මා දෑස් ඔහු ගිය මග දෙසට හිදිනු නොහැක තවදුරටත් ඇස් අයාගෙන.පෙරදිනක නුග රුක තුවාල කර කෙටූ අප මුලකුරු තවමත් යන එන විට ගැටෙයි මගෙ නෙත.යොමානෙත් වැව රවුම වෙත මතක් වෙයි ඔබෙ උණුසුම් හුස්ම මට.ඉතින් සොදුර මා තතු ලැබුනොත් ඔබට හමා එන හුළගක් මෙන් හෝ ඇවිත් බලලා යන්න.

කිසිවෙකුට පහසුවෙන් බිඳ දැමිය නොහැකි සිතකට උරුමකම් කී ආඩම්බරකාරියක් වූ ඇය නමින් 'අනුල්‍යා සොනක්ෂි අග්‍රවංශ' යි. කිසිවෙකුට පහසුවෙන් පාලනය කළ නොහැකි, මමත්වයේ හිනිපෙත්තෙහි වැජඹුණු අහංකාරයෙක් වූ ඔහු නමින් 'සෙයාන් විශාක්‍ය වෛශාක්‍යසිංහ' යි. ආදරයට එවැනි දඩබ්බර සිත් මෙල්ල කළ හැකිද? එකිනෙකා කෙරෙහි ඇතිවන බැඳීම් ඇයත්, ඔහුත් නිසි අයුරින් වටහා ගනීවිද? ඔවුන්ගේ කතාවේ ජය කාලය විසින් කාට හිමිකර දුන්නත්, දෙදෙනාගෙන් එක් අයෙකුවත් පහසුවෙන් පරාජය පිළිනොගනු ඇත. රුධිරයෙන් උරුම වූ අභිමානය රැකගනිමින්, පරම්පරාගත වෛරී අරගලයන්ගේ සැඟවුණු සත්‍යයන් සොයා යන ගමනකදී, එකින් එක විවර වන අඳුරු රහස් අතරින් තමන් නොදැන සිටි ලෝකයක් හමුවන ඔවුන්ගේ කතාව... නුවර අහස යට ලියවෙන දඩබ්බර සිත් දෙකක ඇතිවුණ සුන්දර ආදර අරගලයක්. අනුල්‍යා ❤️ සෙයාන් නුවර අහස යට ලියවෙන තවත් එක් ප්‍රේමණීය ආදර කතාවක්.