Sa buhay, hindi natin laging mararamdaman ang mga bagay na inaasam ng puso. Para kay Alice, isang panaginip ang naging daan, panaginip na hinugot mula sa librong matagal na niyang minahal. Doon niya nakilala ang lalaking nagparamdam sa kanya ng halaga. Init na bumalot sa kanyang damdamin, ngunit naglaho pagmulat ng mata, subalit nanatili sa puso. Ang 'Fiction Land' na kanyang tinatawag, hindi basta kathang-isip. Isa itong mundo ng pag-asang muling makadama ng kasiyahan, kasiyahang hindi kailanman mabubura sa kanyang isipan. Sa bawat kabanata, may pagbabagong hatid. Doon siya tumatag. Doon niya natutunang wala ni isa mang makakaangkin ng kanyang pagkatao. Fiction Land lamang ba? Hindi basta-basta. Isa itong mundong binuo ng tapang at pag-asa. Sa bisa ng Lucid Dreaming, napasok niya ang mundong matagal na niyang pinapangarap. Bawat minuto, bawat segundo, may kahulugan.