SYNOPSIS/BLURB Ilang dekada na ang lumipas mula nang pamunuan ni Ezra ang Arkheya-isang lupain ng mahika at misteryo. Ngunit ang mga sumpang binitiwan ng Bathalumang si Elyra ay nananatiling nakabitin, tila naghihintay ng tamang panahon upang maganap. Ngunit ngayon, matapos mamatay ang mga sinaunang Arkyns-ang mga tagapangalaga ng mga hiyas na pumigil kay Ezra-may panibagong pag-asa. Muling nabuhay ang apat na nilalang na hindi kailanman inakalang magiging bahagi ng isang matandang propesiya. Si Hugo, na lumaki sa lupang isinumpa ng magkapatid na Elyra at Ezra. Si Ope, na hindi kailanman inaasahang magkakaroon ng mahika. Si Cuive, na ang tanging alam ay ang paghahanap ng kasiyahan. At si James, isang batang namuhay sa yaman ngunit malayo sa katotohanan. Paano sila magtatagpo? Paano nila haharapin ang kapalarang hindi nila pinili? At paano nila mabubuksan ang propesiyang magpapabago sa mundo ng Arkheya?