𝑨𝑴𝑨, 𝑩𝑨𝑲𝑰𝑻 𝑵𝑮𝑨𝒀𝑶𝑵 𝑲𝑨 𝑳𝑨𝑵𝑮? Limang buwan. Iyon lang ang itinagal ng munting buhay na pinangarap ni Janielle. Matapos mawalan ng anak at tuluyang masira ang relasyong pinanghawakan niya, pinili niyang lunurin ang sarili sa trabaho upang makalimot. Ngunit habang pilit niyang binubuhat ang mga responsibilidad na hindi dapat pasan ng isang dalawampu't isang taong gulang, unti-unti ring bumigay ang kanyang katawan. Hanggang sa isang gabi, napadpad siya sa isang silid ng ospital na hindi niya alam kung makakalabas pa siya nang buhay. At sa unang pagkakataon matapos ang maraming taon, napilitan siyang tawagan ang taong matagal na niyang itinuring na estranghero. Ang kanyang ama. Ngunit higit pa sa sakit na bumabagabag sa kanyang katawan ang takot na matagal nang nakabaon sa kanyang puso. Dahil paano kung tama siya? Paano kung hindi siya kailanman minahal ng sariling ama? At paano kung ang katotohanang matagal na niyang hinihintay ang siya ring magpapahilom sa sugat na dala niya sa loob ng dalawampu't isang taon? 𝐈𝐬𝐚𝐧𝐠 𝐤𝐰𝐞𝐧𝐭𝐨 𝐧𝐠 𝐩𝐚𝐠𝐤𝐚𝐰𝐚𝐥𝐚, 𝐩𝐚𝐧𝐠𝐮𝐧𝐠𝐮𝐥𝐢𝐥𝐚, 𝐚𝐭 𝐦𝐠𝐚 𝐬𝐚𝐥𝐢𝐭𝐚𝐧𝐠 𝐡𝐮𝐥𝐢 𝐧𝐚𝐧𝐠 𝐧𝐚𝐬𝐚𝐛𝐢.