فتاة من اغنى العايلات ، يتيمة الوالدين ، عاشت تحت سلطة وسيطرة جدتها ، تتعرف على شاب فقير وترجع تحبو .. وش راح يصرا وهل رح يقدرو يبنيو قصة حبهم ولا القدر يوقف فطريقهم ؟💥💥 اول كرونيك ننشرها ، باللهجة الجزائرية، من قلمي 💗💗 نتمنا تقراوها وتعطوني رايكم 😍😍 بعنوان #أخبرني_الحقيقة 💔

**حائزة على المرتبة الثانية لافضل رواية جزائرية في مسابقة الملكة لعام 2021** 🥈 "سيء جدا ، ان تحمل هموما ليست مناسبة لسنك ، بينما من المفترض ان تعيش اجمل ايام حياتك" مختصر قصتي .. عانيت ومازلت ، بكيت ودموعي لا تزال على طرف عيني .. هل من نهاية لقصتي ؟ هل ستغمر الفراغ في حياتي ؟ هل ستداوي جروحي ؟ ام انك عابر فقط ، تدخل صفحات حكايتي لتلطخها بحبر اسود وتفتت ما بقي من اشلاء قلبي ..!! ~انا نهاية قصتك~ مقتبسة من حكاية واقعية .. باللهجة الجزائرية ، بقلمي ووحي افكاري .. من جانب اخر .. قراءة ممتعة ..

قصة- أمواج حياة - مروة- خالد كنت قاعدة مع ماما في الصالون نتفرج بصح عقلي مكانش معاي، كنت نخمم في شحال من حاجة قرايتي وقراية خاوتي وكراء الدار حتى سمعت ماما تعيطلي-مروة وشبيك ساهية -لالا ماما والو نتفرج برك -مهم انا رايحة نرقد عييت ونتي كي يجي باباك حطيلو يتعشا -ماما هذا بابا لي راكي تهدري عليه شكون منعرفوش نسيت عليه فكريني فيه ولا هذاك الراجل لي ميطشنا وميهزش راسو من طابلة تاع القمار-احشمي مروة هذا لي راكي تهدري عليه باباك مهما دار ومهما قال يبقى باباك -انا نحشم ولا هو لي ولادو ولاو قدو في الطول وهو مزال مع القمار والشراب اذا مضربناش يجوعنا -مروووة قتلك اسكتي واحشمي خلاص -صاي ماما روحي ترقدي ريحي راكي عييتي اليوم وانا متخميش درك يجي نحطلو يتعشا -تصبحي بخير -ونتي من اهلو ستنيت حتى لل2تاع الليل ومجاش وانا عييت مفقتش بروحي كيفاش غفيت فقت فير على صوتو -مروووووة نضت مخلوعة لقيتو بابا روح -نوضي من قبيل وانا نعيط نوضي حطيلي نتعشا وخبطني بكوتبي حسيت كلوتي تطرطقت لعنت شيطان ونضت اصلا عرفتو من ريحتو لي توجع القلب بلي شارب خفت غير ندي طريحة رحت حطيتلو يتعشا ورحت طليت على زكريا وابراهيم خاوتي لقيتهم راقدين فرشت حداهم ورقدت طوول من التعب انا اسمي مروة عمري 22سنة نقرا اداب في الجامعة عندي خاوتي زكرياء وابراهي