' අහිංස අහලා තියෙනවා ද ආදරේ සුවඳ ගැන? ' " ඒ මොකක්ද පොඩි හාමු? " ' අරලිය මල්! ' " අරලිය මල්? ඒක කොහොමද ආදරේ සුවඳ වෙන්නේ හාමු? " ' අරලිය මලේ තේරුම " ආදරේ සහ නව ආරම්භයන්. " ඉතින් මං විශ්වාස කරනවා මං ආදරේ කරන්න තෝර ගත්ත කෙනා නිසා මගේ ජීවිතේට අලුත් පටන් ගැන්මක් තියෙයි කියලා! ' " හ්ම්.. " Start:- 2025.04.30 End :- 2025.05.15 Author •~• < Nethu >

" කවුද ඔය තරමටම ඍතු අයියාව අතරමං කරලා තියෙන්නේ...?? " දුරුතු එහෙම ඇහුවේ තවත් පාරක් අතේ තිබුණ වතුර බෝතලෙන් වතුර ටිකක් අරගෙන මූණ හෝද ගන්න ගමන්මයි..... දුරුතුගේ දිග ඇස් පිහාටු දිගේ දැනටමත් වතුර බිංදු එක දෙක හරි අහංකාර විදිහට රටා මවන්න; සෙල්ලම් කරන්න අරන් තියෙද්දි ඒ දිග ඇස් පිහාටු අස්සේ හැංගුන කළු බෝල ඇස් දෙක දිහා එක එල්ලෙම අභිමාන්‍ය බලා ගෙන හිටියා..... ' අහිංසක තනි කළු පාට ඇස් දෙකක අයිතිකාරයෙක්...!! ' එච්චරක් විතරක්ම කියපු අභිමාන්‍ය පිට දීලා එක කකුලක් මේ තාක් වෙලාම හේත්තු කරගෙන හිටිය නුග ගහෙන් ඈත් වෙලා අත් දෙකත් සාක්කු දෙකට දාගෙන දුරුතුව ඉස්සර කර ගෙන ඇවිදගෙන යන්න ගත්තා..... අභිමාන්‍ය කියපු දේ හරිහැටි තේරුම මොකක්ද කියලා හිත හිතාම දුරුතුත් ඒ පස්සෙන් උරහිසේ දාගෙන හිටිය පොඩි තුවායකින් මූණේ තැනින් තැන තියෙන වතුරත් පිහ දදාම යන්න පටන් ගත්තා..... ඒත්.....