لهيبك لا يرحم -1- المكان: الاستعلامات الرئيسية للجامعة الوقت صباح امتحان الطلاب داخلين الدنيا فوضى، "وميار" مستعجلة تركض وهي تلهث تباوع عالساعه، وتكول لنفسها " يا رب يا رب ما أتأخر... ما أتأخر. "توصل للاستعلامات تتفاجأ الحرس اليوم مو نفسهم، أكو اثنين شباب، واحد واكف يفحص الهويات، والثاني كاعد على الكرسي... ضخم. ساكت لابس اسود عيونه تمسح الناس ببرود الحارس (الواكف) عيني... هويتج ميار وهيه مرتبكة: نسيتها ... والله نسيتها اليوم، عندي امتحان و.... الحارس: ما أقدر أخليج تفوتين بدونها، لو سمحتي انتظري (الحارس الواكف يمشي للكرسي ويروح يحجي ويا ابو الاسود، يهمسله بشي، وميار تراقبهم من بعيد ابو الاسود يرفع عين ، ينظر إلها لثانية وحده... نظرة من فوك لجوه، ثابتة باردة، وكأنه يقيس حجمها ببرود. يهز راسه بنفي، من دون مينطق كلمة. "الحارس" يرجع ويكول إلها المسؤول رفض، ما يصير تدخلين ميارر تعض شفتها بعصبيه وتكول بصوت شبه عالي " شنوو يعني رفض ؟ هو منوو القاضي حتى ما سمعني؟ صوتهه وصل اله رفع راسه الها نضره سريعه وحاده خزره مثل السهم تثبت على عيونها وميار ماهتزت رفعت حاجبهه بتمرد الحرس يبين متردد هو ما يحتاج يسمع... بس من نظرة. إنتهى الموضوع ميار مضايقة، تحاول تضبط أعصابها، فجأة تسمع صوت يصيحها "الموظفة": ميار؟