ليالي-انتَ معليك، كلشي راح يكون عليه اني، راح اقنع عمك رائد بطريقتي الخاصه والي راح يخطبهة الك اني وشهود على عقد القران اني وعمك رائد راح نشهد وماراح يعرف احد لا امك ولا ابوك ولا وحده من خواتك ولا حته ولد عمك كام وكف مو راضي على فكرتي ومامستوعبهة.. نيراس-لا لا، من سابع المُستحيلات اتصير هيج فكره ولا راح يقبل عمي رائد كمت وكفت ورحت ورا وكفت كدامه مخلي عيوني بعيونه وهوَ مخصر اديه واكف، وجان واضح عليه التوتر والخوف ليالي-شنو الي من سابع المُستحيلات اتصير، اني موجوده وكتلج كلشي راح احله بنفسي انتَ لاتسوي شي واذا على عمك رائد اني اقنعه سكت وماحجه شي وبقه بس صافن عليه وبعده مامستوعب اخر شي سئلني نيراس-انتِ ليش مُصره اتزوجينياهة لا وبنفس يوم زواجنه اني وياج، شنو الي يدور بعقلج بالضبط؟! سكتت ومارديت وتوترت وماعرفت شنو ارد عليه اصلاً، صار هوَ يتقدم باتجاهي بخطوات بطيئه واني بديت ارجع ليورة ونضراته اتغيرت وصارت حاده مثل اول مره شفته بيهة وزاد خوفي وتوتري اكثر من اتغيرت نبرة صوته وصارت هادئة وخشنه اكثر... نيراس-جاوبيني يلا شنو الي يخليج اتفكرين بهيج فكره واكفه كدامي تحاولين تقنعيني! ليالي بتوتر-شـ... شنو ممكن يكون السبب؟! نيراس-لاجاوبين سؤال بسؤال ردي بصراحه صار يتقرب اكثر لحد ماوصلت اني لن