-: روحي هناك جهزيلي نفسج مبين راح تشعلين الجو انت هيج كالت بالحرف الواحد وراحت تفتر وتنطي أوامر ، بقيت بمكاني ماعرف ياغرفه اروحلها بالضبط مشيت من لا حيله لوحدة الغرف سحبت المقبض وفتحت الباب ، شفت منضر صدمني بنيه ولد بوضع خله شعر راسي يوكف بسرعة سديت الباب اهدء نبضات كلبي و نفسي الصار مو منتضم من الصدمه عفت الغرف ورجعت اوكف بمكان شبه ضل وفارغ اعصر بأيدي لعبانه روحي من الشفته ! -: اوووه تعاي شاركينه؟ درت علي جان واحد واكف بالجهه الثانية يباوعلي ويدخن عفته وتقدمت خطوات اريد ابتعد عنه بس سحبني من ايدي مانعني عطت بي يعوفني ، كال -: منتضره احد ؟؟ -: معليك شعليك انتضر ماانتضر معلييك!! -: اوف عليمن هل العصبيه مجرد سؤال ياروحي الجمال انت ياااروحي -: من حتركت روحك ابن الزر* وخر عني باوعلي بأندهاش يضحك بصوت عالي حط الجگاره بطرف شفته وتقدم علي -: ابن الزر* اشتعلو اهله عليج تعاليلي ، تعااليلي من شفته قافل يتقرب بخطوات مو مال واحد صاحي ابد وكلامه متلعثم كوه افتهم منه طكيتها ركضه وبدون تفكير فتحت باب غرفة من الغرف ودخلت بيها اوكف وره الباب اخذ شهيق زفير بسرعة بسرعة مغضمه عيوني ماريد افتح خاف اشوف منضر يفجعني! -: كمزتيني شبيج ؟

تدور القصة حول فتاة جميلة جداً وتخاف ربها تعيش حياة يائسة لكن عادية بشكل مفرط؟ وشاب صاحب قلب ابيض لكن لا يعرف الرحمة الأثنين غامضين ويلتقون من خلال صدف المشاكل ياترى كيف سيكون لقائهم ونهايتهم؟