في عتمة تُبتلع فيها الأصوات تتراقص الأرواح بين الصمت والندم ولا يُسمع سوى همسات غامضة تُخبئ وراءها جرحًا لا يندمل هناك حيث لا يجرؤ الضوء على الاقتراب تُحاك قصصُ النجاة بأسرارٍ مظلمة وحين يأتي المجهول ليقترب تتلاشى الحقيقة ويبدأ السقوط..!

اناث لا حول لهن ولا قوة جار عليهن الزمن بقوة كــ لعبة تنس تضرب بقوة بيد من لا يخاف من هو أقوى لكن كان للقدر رأي آخر .. غير حياتهن من العدم إلى الأولوية القصوى .. بطريقة وضعت حد لكل وحش طغى .. حرفت مسيرة القدر بأنتصار الأَسْرى .. وانتهاء الحرب بنتيجة الفوز الكبرى ..

ماذا لو كان المجتمع تفضل الحب على التقاليد هل كان حياتنا افضل من هذا الحياة ؟؟❤️‍🔥

لبست الدراعة المطرزة و الثكيلة وعليها الملفع الأبيض وذهبي ، غمضت حيل لمن سمعت هوساتهم و هلاهلهم معناها اجه! فترة يلا نزلت وأمشي بثكل رجليه يرجفن ليش ما أدري ، ما متحضرة ولا مفكرة ابد لهالحظة وصلتلهم همه ملتمين بالمطبخ بس هو بمدخل البيت شفته يلاعب الجهال ويضحك وياهم يا الله شكد متغير وضعفان! چان شايل تولين يلگف بيها ويدغدغها وهي سكرانة من الضحك وهو ميت عليها ، شوية وصاح فداوي للبنات هاي البنية ام الكناكر بنيتنن تقدمت بخطوات ثكيلة وروح ترجف وبانفاس باردة وصوت يحاول يكون ثابت گتله بهدوء.. _بنيتي وبنية شيخ ناصر رد بتعجب ورافع حاجب من حاجبه نظراته بيهن ميول للاستهزاء.. _ءاسن ام الملاسن! بنفس رفعة حاجبه رفعتله حاجبي وكأني اتحدا گتله.. _تتذكرني؟! رد برد أقوى مني رد كسرني وكسر ثباتي خض روحي خض زعزعني طشرني لكل مكان وصلة لمن گلي.. _ما ناسيچ حتى اتذكرچ ، ورم خبيث مزمن بالروح أنتِ دومچ بيه! #بقلمي_بصره_الربيعية غير محلل ولا مبرئ من ينقلها أو يقلدها.