"Tu usse kab batayega?" uske dost ne dheere se pucha, Ganga ke ghaat par baithte hue. Woh muskura diya, jaise sawaal bahut chhota ho aur uska pyaar bahut gehra. "Shayad kabhi nahi..." "Pagal hai kya?" dost hairan ho kar bola, "itna pyaar karta hai usse... aur usse pata tak nahi?" Usne Ganga ki taraf dekhte hue kaha, "Pata hona zaroori bhi nahi hai... kuch mohabbat bas dil mein reh kar hi puri ho jaati hain." Dost ne phir pucha, "Par tu usse itna chahta kyun hai?" Woh thodi der chup raha... jaise lafz kam pad gaye ho. Phir dheere se bola, "Kyuki uski muskurahat dekh kar mujhe lagta hai jaise meri zindagi theek ho gayi." "Main usse itna chahta hoon ki agar kabhi uski khushi ke liye mujhe sab kuch chhodna pade na..." Woh halka sa hans kar bola, "toh main bina soche chhod dunga." Dost ne phir pucha, "Sab kuch?" Usne seedha jawab diya, "Sab kuch... apni khushiyan, apne sapne, apni zindagi tak." Phir usne dheere se kaha, "Kyuki meri mohabbat usse paane ki nahi hai..." Woh Ganga ki lehro ko dekh kar muskura diya, "Bas itni si dua hai ki woh hamesha khush rahe... chahe uski khushi mein mera naam kabhi na aaye.