Rishtey... pyaar... apnapan... Ye sab lafz toh zindagi ka hissa hote hain, Par meri zindagi mein inki kami thi... Haan, Mumma thi... lekin kabhi aisa mehsoos hi nahi hua ki woh mere saath khadi ho... Jahaan mein rahti thi, wo ek makaan tha - sirf deewar aur chhat ka, ghar kabhi nahi bana... Sab kuch tha, phir bhi jaane kyun... sab adhoora tha... Mere andar sirf ek talash thi, ek aashiyana ki, jo sirf chaar deewaron se na banay, balki mohabbat, apnapan aur saath se sajay... 🌸~ Noor ----------------------------------------------------------------- 15 saal ki chhoti si Umar mein usne woh sab seh liya jo shayad bade bhi na jhel paayein. Har din ek nayi tanhayi, har raat ek nayi khamoshi. Lekin ek din uske saamne aisa raaz khula jisne uski duniya hila di- Woh akeli nahi thi. Uske paas ek pita, dada-dadi aur... 6 bhai the. Ek ladki jo hamesha apnapan ki talash mein rahi... kya ab usse apna aashiyana milega? Ya naye rishton ke saaye mein naye imtihaan uska intezaar kar rahe hain? Noor jisne har chiz akeli jheli hai... Kya ab yehh uski kahani ki nayi shuruwat hai?....