Si Ginny ay isang dalagang may isang munting pangarap ngunit dahil sa kanyang pagiging takot ay ginawa niyang kalimutan ang pangarap na ito. Ngunit isang araw ay nagising na lang siyang hindi na niya kayang magpanggap at gusto niyang tumakas sa kanyang sitwasyon. Dahil dito ay nakilala niya si Ken, isang lalaking may magandang pananaw sa buhay at laging positibo sa lahat ng bagay. Taliwas sa kanya na laging takot at laging iniisip ang sasabihin ng iba. Tila batang nagpapasaklolo si Ginny ng makilala siya ni Ken. Nagpapasagip sa isang nakakatakot na sitwasyon. Dahil dito ay napagpasiyahan ni Ken na isama si Ginny sa kanyang bakasyon kahit noon niya lang ito nakilala. Sa kanilang pananatili sa isla, anu-ano ang kanilang mga matutuklasan sa sarili at sa isa't-isa? Anu-ano ang kanilang matutunan? May pag-asa ba ang kanilang pag-iibigan? Ano ang napakalaking bagay na mababago kay Ginny dahil sa pagmamahal ni Ken? Kwento ng pag-asa, pagmamahal at pagharap sa pangarap. Minsan, mas magandang walang plano, ang isang bagay na ating lubos na maiintindihan sa kanilang kwento.