_اسمع صوت ركع قوي بالأرض وصوت جدوره فزيت ع حيلي لتفت منا منا ادور لايت اضوي بي حته انزل بلعت ريكي انتظر سمعي يخطا وارجع انام بس الصوت تكرر انتفضت من مكاني وكمت ع حيلي شهل الصوت منو بالبيت؟! _نزلت من الجرباية على كيف فتحت الباب غرفتي واتسنط ماكو صوت رجعت سديت الباب ع كيف وفتحته الضوه ساعه ب٤ اووو منو يكعد هيج وقت اهووو ميس انتي تهذين سويتها فلم هندي _يمكن وليد سهران ويدخل للمطبخ ياكل رجعت لفراشي اريد اتمدد واسمع صوت واحد صرخ صرخه فزيت ع هل الصوت كمت من فراشي ارجف لا لا صار شي جوه فتحت الباب ونزلت على كيف باية باية جانت الدنيا ظلمة _مديت ايدي وفتحت الگلوب وسعت عيوني من الصدمه جسمي كزبر من المنظر إلي شفته!! رجلي بعد ما أكدر أشيلهن ما احس الا حركه وراي حجه بصوت مستفز وناصي _اششششش ولا كلمة صيري حبابة وصعدي لغرفتج يالة سباعية وانسي الي شفتي ياله حته نكمل شغلنا

بالليل والبرد تسلسل لضلوعي اطرافي ترجف ماعرف برد لو خوف من القادم .. اسناني تصطك والرعب دب بداخلي البيت هدوء وبس صوت انفاسي دا اسمع دموعي تنزل ع خدودي الي جمدت من البرد وگفت گدام المرايه ولفيت الشال ع وجهي وعفت عيوني الي من القهر والبچي صايرات حُمر طلعت وبكل خطوة اخطيها اتمنى بس اطلع منا كولشي ما اريد نزلت من الدرج ومن الصالة طلعت للحديقة مشيت بسرعه واحس الطريق صار طويل ورجليه من الخوف مدتعيني عثرت ووگعت ع وجهي گمت بصعوبه ولزمت رجلي ودموعي تنزل بحراره بللت الشال الي ع وجهي حسيت بخيال غطاني صار كولشي بيه يرتعد من الخوف .. گمت ع حيلي واني عيني بعينه وعيون الاثنين حُمر الفرق بيني وبينه عيوني حُمر من البچي وهو عصبيه غمضت عيوني بيأس ونزلت الدموع من عيني ومر كل الي صار ويايه بهاي الفتره گدام عيني ..

مكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان.. خوف، رهبه، قلق.. شنو حيصير شنو نهاية هالطريق؟.. ثواني وسمعت صوت خطوات تقترب من المكان الي اني بي.. زاد التوتر والخوف صرت ارجف مكادره اسيطر على نفسي واضبطها.. غمضت عيوني واخذت نفس بهدوء حتى ليسمع صوت انفاسي.. فتحت عيوني بهدوء وانصدمت من شفته واكف كدامي ومكتف ايده.. يباوعلي بنضرات مليانات شر.. تيبست بمكاني حتى عيوني ميرمشن من الخوف.. تقدم عليه واني اباوعله وارجع ليوره وهوه يتقدم بخطوات رزنة وبهدوء يتقدم خطوه خطوه.. انضربت بالحايط المهدوم نصه وهوه ما زال يمشي ب اتجاهي، صار كدامي مد ايده بعد شعري عن عيوني بهدوء وهمس بفحيح ممزوج بغضب.. _هسه بلش اللعب الصح.. راح اخليج تتمنين الموت بعد الي سويتي

رواية جريئة بريئه من ذنوبكم - لم تختره، لكنها أصبحت كل عالمه. كانت تكرهه... فكيف تحوّل الكره إلى تعلق؟ وهل يمكن لزواجٍ مفروض أن يُعيد نبض قلبٍ انكسر؟ بين ماضٍ لم يمت، وواقعٍ لا يُحتمل... تنكشف الحكاية.