Jaate-jaate wo ruk gaya. Aur peeche mudkar bola, "Naina... agar Marco kisi par trust karta hai na... to poori tarah karta hai." Phir wo kamre se bahar chala gaya. Darwaza band ho gaya. Kamre me khamoshi chha gayi. Sirf air-conditioner ki halki si awaaz sunayi de rahi thi. Naina dheere-dheere bed ke paas aayi. Marco gehri neend me tha. Uske baal thode bikhre hue the. Shirt ka upar ka button khula hua tha. Aur pehli baar... Wo kisi mafia king se zyada ek thaka hua insaan lag raha tha. Naina bed ke kinare baith gayi. Kaafi der tak bas uska chehra dekhti rahi. Uske dil me ajeeb si kasak thi. Phir dheere se boli, "Kya tumne meri wajah se itni drink ki?" Marco ne koi jawab nahi diya. Wo so raha tha. Naina ne nazar neeche kar li. "Main to bas usse information ke liye baat kar rahi thi." Uski awaaz bahut halki thi. "Mujhe usme koi interest nahi tha." Usne aankhen band kar li. "Bilkul bhi nahi." Khamoshi. Phir achanak... Marco ke honton se ek lafz nikla. "Naina..." Uski awaaz neend aur behoshi ke beech ki thi. Aur usi pal uski band aankhon ke kone se ek aansu nikal kar gaal par beh gaya. Naina jam si gayi. Uska dil ekdam se toot sa gaya. Jaise kisi ne uske seene ko andar se pakad liya ho. Marco ne aankhen nahi kholi. Wo ab bhi so raha tha. Lekin us ek aansu ne Naina ke saare defenses hila diye. Usne dheere se uska chehra dekha. Aur uski aankhen bhar aayi. "Mat ho mujhse itna attach..." Uski awaaz toot gayi. "Please mat ho." Ek aansu uske apne gaal par bhi beh gaya. "Tum nahi jaante main kaun hoon." Usne nazar jhuka li. "Main tumhe dhokha dene wali hoon." Uski saansein bhaari ho gayi. "Tumhare aas-paas ke har insaan ki tarah..." ** I do not own any of the picture used in this book they belong to their rightful owner.**