Tatlong dekada na ang lumipas mula nang brutal na pinaslang ang bagong kasal na sina Lorenzo at Clara sa loob ng Mansyon de Montessori. Sa pagdaan ng panahon, patuloy ang pagpanaw ng sinumang sumusubok tuklasin ang madilim na lihim ng mansyon-kasama na rito ang mga magulang ni Elisa Montessori. Subalit, sa kabila ng babala ng kanyang lola, si Elisa at ang anim niya pang mga kaibigan ay nagpunta sa mansyon para sa isang adventure. Ngunit ang inaakalang simpleng lakad ay mauuwi sa bangungot. At s'yang magtutulak sa kanya na malaman ang katotohanan, ang kwento ng mansyon at ang sikretong hindi na dapat n'ya nalaman pa.