Akala niya simpleng araw lang ng klase... hanggang sa dumating ang araw na may nakatabi siyang bagong seatmate. Tahimik, misteryoso, pero may kakaibang charm na hindi niya maiwasang mapansin. Mula sa palitan ng notes, simpleng asaran, at mga titig na biglang nagpapabilis ng tibok ng puso-unti-unting nagiging espesyal ang bawat oras na magkasama sila. Pero sa likod ng saya at kilig, may mga lihim na maaaring maglayo sa kanilang dalawa. Handa ba silang sumugal sa pag-ibig, kahit seatmate lang ang simula?

Book Description Sa mundo ng mga sikreto at pag-ibig na bawal, minsan ang kapalaran mismo ang naglalagay ng twist. Si Prince, isang masipag na estudyante, ay matagal nang may tinatagong lihim-limang taon na siyang may sugar daddy online. Si Carlo, mula sa mayamang pamilya, ang naging sandalan niya sa lahat ng gastusin at luho, kapalit ng pagmamahal at init na bawal ipagsigawan. Ngunit sa kanyang unang taon sa kolehiyo, isang nakakagulat na katotohanan ang mabubunyag-ang sugar daddy na limang taon na niyang kasama, siya rin palang bagong propesor sa kanyang paaralan. Magiging awkward ba ang lahat? O ito na ba ang simula ng mas kumplikado at mas mapusok na yugto ng kanilang relasyon? Isang kwentong puno ng sikreto, tensyon, at pag-ibig na ipinagbabawal-handa ka na bang malaman ang lahat?

Si Joshua "Josh" Park ay isang matalino at maaasahang sekretaryo sa isang malaking kompanya sa Seoul. Sa mata ng lahat, perpekto siya sa kanyang trabaho-maalaga, organisado, at walang palya. Ngunit may itinatagong lihim si Josh na unti-unti niyang kinakalaban: isang kakaibang kondisyon na nagdudulot ng hindi inaasahang pagbabago sa kanyang katawan at emosyon. Tanging ang kanyang manager, si Kim Min-Jae, ang may alam sa kanyang sitwasyon at palaging nandiyan para gabayan at protektahan siya. Habang sinusubukan ni Josh na panatilihin ang normal na imahe sa trabaho, unti-unti niyang nararamdaman ang bigat ng kanyang tinatago. Lalo na nang makilala niya ang isang tao na tila naiintindihan siya sa paraang wala nang iba. Ngunit ang paglapit sa kanya ay maaaring magbukas ng pinto sa panganib-sa kanyang karera, sa kanyang reputasyon, at sa puso niya. Isang kwento ng lihim, pag-ibig, at pakikibaka sa sarili-kung paano haharapin ang tunay na pagkatao sa harap ng mundo.

Si Joshua Yoon ay isang soft boy-matalino, mahiyain, cute, at tila perpekto sa lahat ng bagay. Tahimik ang kanyang buhay hanggang sa kinailangan niyang humanap ng makakasama sa apartment para makatipid sa bayarin. Nag-post siya online at doon niya nakilala si Lean Park-isang gwapo, maskulado, gym rat, at masyadong madaldal... pero may tinatagong kakaibang sikreto. Habang tumatagal ang kanilang pagsasama, napapansin ni Joshua na kakaiba si Lean-bakit hindi ito kumakain ng normal na pagkain? Bakit palaging gising tuwing gabi? At bakit parang may matalim itong mga ngiti na tila nakakatakot? Unti-unti niyang natutuklasan ang katotohanan: ang bago niyang roommate ay isang vampire. Pero sa pagitan ng takot at pagtataka, mas lalong nagiging komplikado ang lahat-dahil paano kung, bukod sa pagiging vampire ni Lean, nagsisimula na ring tumibok ang puso ni Joshua para sa kanya? Isang kwento ng pagtuklas, kakaibang pagkakaibigan, at maaaring... pag-ibig sa gitna ng dilim.

Dalawang kambal na lalaki-sina Ray at Pin-ang matalik na magkaibigan at magkasangga sa lahat ng bagay. Ngunit isang field trip ang naging dahilan ng kanilang pagkakahiwalay. Biglang nawala si Pin... at mula noon ay hindi na siya muling nakita. Limang taon ang lumipas. Unti-unting nakapag-move on ang lahat-pamilya, kaibigan, at ang paligid. Pero si Ray, nananatiling sugatan ang puso at puno ng katanungan. Sa tagal ng panahon, nagbago na rin ang kanilang itsura at ugali... ngunit hindi ang alaala ni Pin sa kanyang isip. Ano nga ba ang tunay na nangyari kay Pin? Sino ang nasa likod ng kanyang pagkawala? At kung muling magkrus ang kanilang landas-makikilala pa kaya ni Ray ang kanyang kambal na matagal nang nawala? Isang kwento ng paghahanap, pagbabago, at kapalaran-handa ka na bang tuklasin ang sikreto sa pagkawala ni Pin?

Sa mundo ng pagkakaibigan, hindi lahat ng nakangiti ay tunay. Si Vince, isang mabait at laging handang tumulong, ay palaging nandyan para sa kanyang mga kaibigan. Pero totoo nga bang kaibigan din siya para sa kanila? Kasama niya sina: Glen, na mahilig mag-gaslight para siya pa ang mukhang mali. Eline, na marunong mag-manipulate para makuha ang gusto. Zia, na gumagamit lang kapag may kailangan. Lim, na laging handang manaksak sa likod. Nisa, na walang ginawa kundi umasa. Fred, na puro pagyayabang lang ang alam. Habang tumatagal, mas lalong lumilinaw kay Vince ang tanong: "Kaibigan ba sila, o kaibigan lang kapag may kailangan?" Isang kwento ng fake friendships, red flags, at kung paano pipiliin ni Vince ang halaga ng sarili bago ang iba.

Sa mundo ng business deals at client meetings, hindi lang puro trabaho ang nangyayari. Meet Joshua Motelfaco, a young professional na sanay makipag-deal sa mga clients-always professional, always prepared. Pero nag-iba ang lahat nang makilala niya si Lean Chu, isang client na hindi lang basta interesado sa kanyang services, kundi pati na rin sa kanya. Mula sa introduce the client, hanggang sa showcasing what they can offer, at sa mga sunod-sunod na meet-ups, unti-unting nagiging blurred ang line sa pagitan ng business at personal. Pero hanggang saan nga ba ang kaya nilang itaya? Love or career? Business or romance? Isang kwento ng unexpected love story with a client na magpapatunay na minsan, kahit sa gitna ng mga contracts and deadlines, may space pa rin para sa puso.

Sa mundong puno ng kompetisyon at sakripisyo, may mga estudyanteng handang gawin ang lahat para lang makapagtapos ng kolehiyo. Isa na rito si Joshua Chua, isang working student na napilitan pumasok bilang motor ride-hailing driver upang matustusan ang kanyang mga bayarin at pangangailangan sa araw-araw. Sa bawat biyahe niya, hindi lang trapiko at init ng kalsada ang kalaban niya, kundi pati mga pasaherong may kanya-kanyang kwento at ugali. Hanggang isang araw, muling pumasok sa buhay niya ang taong pinakaayaw niyang makita-si Lean Cruz, ang taong minsan niyang minahal ngunit iniwan siya sa gitna ng kanilang relasyon para sa iba. Ngayon, bilang pasahero at madalas na kliyente, magiging bahagi muli si Lean ng mundo ni Joshua. Pero ang tanong-babalik ba ang apoy ng pagmamahalan, o ito'y magiging laban ng galit at paghihiganti?