စိတ်ကူးပေါက်ရာ ရေးထားတဲ့ အပိုင်းအစလေးတွေ ဖြစ်ပါတယ်။ချိုချိုမြမြအေးအေးအချစ်ဇာတ်လမ်းလေးတွေ တအားရေးချင်ပေမယ့် ချရေးဖြစ်တဲ့ ဒီဝတ္ထုတို အများစုက Ericaအတွက်တောင် နင့်နင့်နဲနဲ ခံစားမှုကို ပေးပါတယ်။တစ်ပိုင်းနဲ့တစ်ပိုင်း လုံးဝ ချိတ်ဆက်မှု ရှိမှာ မဟုတ်ပါဘူး။

"အခုလဲ...ကိုယ် မင်းကို ချစ်တယ်ဆိုတာ ဖွင့်ပြောတာ မင်းဘက်က အခုချက်ချင်းကြီး ကိုယ့်ကို ပြန်ချစ်ဖို့မလိုဘူး...ဒါပေမယ့် တစ်ခုတော့ ရှိတယ် ကိုယ့်ကိုတော့ ရည်းစားလေးအဖြစ်တွဲပေးပါကွာ...ဒါလေးတစ်ခုပဲခေါင်းညိတ်...တွဲနေတဲ့ကာလအတွင်း မင်းကိုယ့်ကို ချစ်လာမယ်ဆိုတာ ကိုယ်ယုံကြည်တယ်" ‎ ‎သူမက အတန်ကြာသည်အထိ ဘာမှမပြောဘဲ ရာထူးပိုင်ကိုသာ ကြည့်နေလိုက်သည်။ရာထူးပိုင်မျက်၀န်းထဲမှာ မျှော်လင့်ခြင်းရောင်ခြည်များ ဖြာထွက်နေသည်။ထို့အပြင် သူမတစ်လျှောက်လုံးသူ့ကို တွေးထင်လာခဲ့ဖူးသော၊သူမကို လှောင်ရယ်နေတယ်ဟုသာ သတ်မှတ်ခဲ့ဖူးသော ရာထူးပိုင်မျက်၀န်းတွေရဲ့ အခြားတစ်ဖက်မှာ သူမယောင်လို့တောင် မတွေးဖူးထားတဲ့ သူမအတွက် အချစ်တွေ ရှိနေသည်တဲ့။