النبذة: كيقولو بلي " العـداوة بـحال العـافـية الا مـطفـاتش كـتـاكـل كلـشي وكـتخـلي مـوراها غـا الـرمـاد " . ووسط ديك العافية لي شعلت فدرب شعبي ، فين كاتشابك الطموحات و العداوات، شاب بشيط كي لقا راسو وسط صراع قاسي مع ثلاثة شباب كي تقاسمو نفس الحؤفة و نفس الهدف، فجأة المنافسة خرجات عن السببطرة و حدث واحد قلب الموازين، المنافسة تحولات لعداوة و العداوة شعلان نار الانتقام لي ما عندهاش حدود... بين الحب، الخيانة و الغدر، و بين القوة و الضعف، كي تحول الدرب لساحة حرب شرسة، كل واحد كي لعب اخر ورقة عندو و كل واحد كي ستغل نقطة ضعف العدو ديالو... فدرب المجانين، القوانين ما عندهمش وجود، و فوسط ديك الحرب القاسية كي تطرح سؤال محير، شكون الخاسر فهاد المعركة؟ و شكون ضاع فدرب ما كي عرف لا رحمة لا شفقة؟ " ديك البنت لي ذنبها الوحيد انها عطاتو قلبها "

الحياة مكانتش رحيمة مع حتا واحد فيهم ... ضحى، بنت حملات فوق كتافها جروح كبيرة، وتجارب قاسية بدلتها من الداخل، ولكن بقات واقفة رغم كلشي، وكتحاول تحمي حياتها وحبها مع صقر، اللي حتى هو ما عاشش حياة سهلة، وعرف الألم قبل ما يعرف الراحة. ومن بين هاد القصة، تزادت طفلة ولات جزء من صراع أكبر من عمرها. فهد، رجل باين قاسي وبرودو كيخبي وراه ماضي مليان خسارات وتجارب صعيبة، ما خلاهش يثق فحتى حد بسهولة، حتى دخلت حياتو فاتي... بنت حتى هي عاشات الألم، وتجرحات بزاف، ولكن بقات كتقاوم، ولقات راسها وسط علاقة كتختبر القلب والعقل فكل لحظة. كل واحد فيهم جا من وجع مختلف، ولكن الحياة جمعتهم فطريق واحد، فيه الحب، فيه الخيانة، وفيه أسرار ممكن تقلب كلشي فثانية... هنا ما كاين لا قوي كامل لا ضعيف كامل... غير ناس كيتعلمو كيفاش يعيشو رغم الألم. ✨ هاد القصة كنتبها بحب و بكل جوارحي و فيها احداث من الواقع ماشي كلها خيال 🫶🏻🦋