نحن نريد ونتمنى في هذه الحياة اشياء كثيرة في بعض الاحيان نحصل عليها ونستطيع تحقيق كل احلامنا بسهولة وفي الوقت الذي نريده وفي البعض الاخر لانسطتيع. الحب الاعجاب التفاهم الاحترام التقدير الانسجام كل هاذ لحوايج تساعد على نجاح اي علاقة واستمرارها لكن احيانا متكفيش لانو كاين صوالح يفسدو منهم الغيرة الزايدة والعصبية اختلاف الآراء والعقليات والوسط الي عايشين فيه. اصعب حاجة على الانسان وميقدرش يتجاوزها ويتأقلم معاها هي انو يكون عايش في عالم جميل وهادىء خالي من المشاكل والغيرة والحسد (عالم وردي او نقول عالم الاحلام احسن لانو هذه الكلمة الاكثر ملاىمة لها) وبدون سابق انذار يلقى حياتو مقلبة ويطيح في وسط دوامة من المشاكل الي في عمرو ماشاف كيفها ولا واجها لانو ببساطة تربى في وسط الهدوء والناس الي كانو دايرين بيه طيبين وقلوبهم بيضة خالية من الحسد والحقد قلوب تنبض بالحب والاخلاص ترسم الضحكة على وجه اقاربها واحبابها.

قصة- أمواج حياة - مروة- خالد كنت قاعدة مع ماما في الصالون نتفرج بصح عقلي مكانش معاي، كنت نخمم في شحال من حاجة قرايتي وقراية خاوتي وكراء الدار حتى سمعت ماما تعيطلي-مروة وشبيك ساهية -لالا ماما والو نتفرج برك -مهم انا رايحة نرقد عييت ونتي كي يجي باباك حطيلو يتعشا -ماما هذا بابا لي راكي تهدري عليه شكون منعرفوش نسيت عليه فكريني فيه ولا هذاك الراجل لي ميطشنا وميهزش راسو من طابلة تاع القمار-احشمي مروة هذا لي راكي تهدري عليه باباك مهما دار ومهما قال يبقى باباك -انا نحشم ولا هو لي ولادو ولاو قدو في الطول وهو مزال مع القمار والشراب اذا مضربناش يجوعنا -مروووة قتلك اسكتي واحشمي خلاص -صاي ماما روحي ترقدي ريحي راكي عييتي اليوم وانا متخميش درك يجي نحطلو يتعشا -تصبحي بخير -ونتي من اهلو ستنيت حتى لل2تاع الليل ومجاش وانا عييت مفقتش بروحي كيفاش غفيت فقت فير على صوتو -مروووووة نضت مخلوعة لقيتو بابا روح -نوضي من قبيل وانا نعيط نوضي حطيلي نتعشا وخبطني بكوتبي حسيت كلوتي تطرطقت لعنت شيطان ونضت اصلا عرفتو من ريحتو لي توجع القلب بلي شارب خفت غير ندي طريحة رحت حطيتلو يتعشا ورحت طليت على زكريا وابراهيم خاوتي لقيتهم راقدين فرشت حداهم ورقدت طوول من التعب انا اسمي مروة عمري 22سنة نقرا اداب في الجامعة عندي خاوتي زكرياء وابراهي

بين نارين

بقلم هاندا ربفالدا ... في طريقي وأنا راجعة إحساس رهيب مقدرت نفرح ب الحرية مقدرت نتجاوز هاد المحنة وهاد الإبتلاء لي طاح عليا ولا نقول سلطو عليا رب العالمين """ مول الطاكسي يهدر معايا هذا وين تولهت ليه ـ انعم عمي ـ يا بنتي وين رايحة ب الضبط عندنا نص ساعة ملي دخلنا للمدينة مقلتي وين نحطك ، شفت معاه بنضرة تاع وحدة مكسورة محبيتش نبين ضعفي بصح كان واضح عليا ومن ملامحي قتله روح من جهة ###### ( مكان منقدرش نحطه للتحفظ وأحذاث القصة فيها تمويه وهذا بطلب من صاحبتها ) كي قتله على البلاصة وسميتله لافامي قعد داهش باسكو شكون ميعرفش عايلتنا ولافامي تاعنا سيرتو كي شافني منين خرجت اي واحد يتساءل وهو إستغرب شوي وكمل يسوق وانا كملت في متاهاتي دايرة للكارو ونخمم لحد الثانية منيش عارفة وش ندير اسكو نروح صح ليهم ولا نعاود نرجع مخي يدي ويجيب وين نروح وكيفاش رايحة نبدا ومنين رايحة نكمل ~~ بعد 15 دقيقة وصلنا للمكان طليت من الكارو شفت ولاد يلعبو توال البورطاي منهم لي عرفت وكاين لي معرفتهمش ومن بينهم ولد صغير يجي عمره عامين من ملامح وجهه قدرت نستنتج ولد شكون !!!! بقيت مركزة فيه وعاود سرح عقلي من جديد حاجة لداخل تحرق فيا من واش صرالي هاد النقطة حد اليوم مزالها توجع وغصة في قلبي وكيفاش متوجعش وأنا تعاقبت على حاجة مدرتها

قصة من الواقع باسلوبي الخاص